泰Grill (天晉匯)

有朋友最近搬左去將軍澳，話帶我去試下佢屋企附近新開嘅泰國菜，我係將軍澳站行過去都係幾分鐘，都幾易搵。我地揀左室外座位，望住出面成條波波燈走廊，坐喺暖爐隔離，氣氛都幾Chill☺️軟殼蟹蟹肉炒飯 ($108, 7.5/10)軟殼蟹有四件，咬開入開都仍然好juicy，唔會話炸到乾爭爭。炒飯都幾乾身，除左蟹肉，入面都有少量三色豆，如果唔鍾意食三色豆嘅朋友，可以喺用QR code落單晚remark 番就ok燒豬頸肉 ($78, 8.5/10)豬頸肉份量都幾多，每舊都好爽口，同埋燒得好香。點埋酸酸辣辣嘅泰式醬汁，令豬頸肉嘅肥膩感減少肉碎生菜包 ($82, 8/10)豬肉肥瘦比例適中，入面有多種唔同嘅香料，蒜蓉，乾蔥，香茅，辣椒等，層次好豐富，而且非常惹味，但又唔會太辣。夾埋爽脆嘅生菜食或者蒜蓉包一齊食，可以試到兩種唔同嘅口感，唔會話只係包生菜食咁寡芒果糯米飯 ($58, 8/10)芒果份量唔少，而且都幾甜。砌成心形嘅雙色糯米飯由紫糯米同白糯米組成，紫糯米比較有咬口，而白糯米就較稔。椰汁個味較得岩岩好，唔會太甜，飯後一點甜已經好滿足💰人均：$170📍泰Grill (將軍澳)將軍澳唐俊街12號天晉匯一