𖦹 菠蘿海鮮炒飯 $98
以原個菠蘿上枱，賣相十分吸睛，滿滿嘅肉鬆同埋腰果，加上蝦、魷魚、蟹柳、原粒菠蘿等配料，極為豐富，飯粒炒至粒粒分明。
𖦹 軟殼蟹米紙卷 $98
半透明嘅米紙入面係軟殼蟹、牛油果、紅蘿蔔、青瓜同埋生菜，點啲酸酸甜甜嘅醬汁，開胃之選。
𖦹 青木瓜鮮蝦沙律 $88
爽脆嘅青木瓜絲加上鮮蝦，撈埋酸辣嘅醬汁，非常清新，夏天食就一流。
𖦹 泰式凍奶茶 $38
衝住隻熊啤啤而嗌嘅thai tea！只要將啲茶入個杯到，佢就會浮返上嚟重見天日㗎啦，搞勻杯底嘅煉奶再飲，入口唔過甜，茶香四溢，仲帶啲花(?)香。
𖦹 泰式椰子雪糕紅豆冰 $48
椰子雪糕濃郁得嚟食到啲椰子肉，好驚喜，如果可以再多啲紅豆，相信口感會更佳。
