Espresso Alchemy (美麗華廣場1期)

營業中

休息中

呢間cafe係美麗華地下，位置偏入，所以比較清靜，下午同朋友來下午茶安安靜靜傾下計都適合。下午三點幾來到啱啱好有位 ，而且安排俾我哋嘅位置都好闊落舒服。Matcha Latte嘅抹茶味幾重，有少少回甘嘅味道，唔會太多冰，奶同茶比例幾好，味道唔太淡。Iced Mint Chocolate 薄荷朱克力上面有層奶泡同薄荷葉，口感幾滑膩，無論係薄荷定朱古力味都好重。All day breakfast份量都好充足，腸仔係豬肉腸，食落好爽口，焗薯仔粒好香脆，炒蛋熱辣辣，又嫩又滑。最特別係有一個咖啡朱古力醬toast，toast頗脆，雖然係朱古力醬，但就一d都唔甜膩。迷你牛角包牛油味幾香，配搭埋fresh嘅牛油果醬，同埋煙三文魚，十分之豐富。青醬烤雞意大利三文治三文治幾厚，裡面嘅烤雞係雞胸肉，雞肉唔鞋，配搭青醬，感覺好健康，食完都幾飽肚。