Burgerman (埃華街)

營業中

休息中

今日午餐想食漢堡包，去左大角咀埃華街Burgerman食。原來平日午市有套餐，有5款漢堡揀，可配田園沙律或脆有皮薯條同罐裝汽水，抵食好多！另外都有兩款意粉餐，配田園沙律同罐裝汽水，脆有皮薯條就要加$10。今日決定要兩個午市套餐。呢度都有小食，沙律同意粉。你要先去收銀落單比錢，然後服務員會送野食去你個位俾你。煎蛋雙層和牛漢堡 $105煎蛋雙層和牛漢堡用一支大竹簽固定好，我嘴細，只能分層食。枱上面有提供膠手套，都好方便。首先上面塊包成塊都好香脆，仲加左黑白芝麻粒。塊包下面就係煎蛋，再下面就係兩塊厚切和牛漢堡扒，外面有薄薄一層芝士，都有拉絲。和牛漢堡扒雖然全熟，不過唔乾，都好多汁。和牛漢堡扒下面係新鮮菜苗，驚喜既係加左日式胡麻醬，非常好味道又夠濕潤。呢款漢堡都好食。脆有皮薯條係粗身薯條，熱辣辣炸起，香脆可口，點枱上面有提供既茄汁好好味。蜆肉蘑菇忌廉天使麵配慢煮溫泉蛋 $68呢個蜆肉蘑菇忌廉天使麵配慢煮溫泉蛋超級熱辣辣上枱，天使麵又幼身又滑溜，忌廉汁非常多，真係好好味，而且份量超多。配有慢煮溫泉蛋一隻，上面灑上香草，整爛隻蛋等天使麵撈埋蛋汁食更滑溜。配料有蜆肉仔，蘑菇片同洋蔥，有少少爽脆口感。