Be Leaf (已結業)

all i want for christmas is…….. FOOD! 觀塘呢間充滿度假風情既cafe最近加入大量應節既聖誕元素，配上原有既乾花拱門、戶外藤椅座位等設計，打卡度level up。𖦹 泰式冬陰功香葉肉碎脆炸魷魚鬚意大利麵 套餐 ＄206套餐附有小撻同埋蘑菇湯。香葉肉碎飯就食得多，與意粉同場出現都係第一次見。醬汁微辣充滿冬陰功香味，極之惹味，係炸魷魚鬚比較厚粉。𖦹 香煎手打黑松露蝦肉墨魚烤菠蘿漢堡配鮮炸吉列牛油果 $135漢堡扒以墨魚餅、蝦同黑松露製成，鮮味彈牙，加上菠蘿更juicy，完全唔覺得好乾。最特別一定係炸牛油果，食落外脆內軟好似薯條咁。𖦹黑糖麻糬泰奶茶牛角包窩夫 $78泰奶味道非常突出，加上煙韌既黑糖麻糬同埋脆口既croffle，層次甚佳。𖦹 oh..it’s christmas tree $58頂層綠色既斑蘭忌廉加上下層既啡色咖啡，成棵聖誕樹咁，飲落似hazelnut latte。𖦹 焦糖海鹽杏仁粒沙冰沙冰鹹鹹甜甜，配上lotus餅乾及杏仁粒，口感豐富。