影片
更多
2011-07-28
130 瀏覽
今日好朋友生日，點知要佢要一個人係屋企渡過，咁當然即刻捉佢出黎散散悶氣，過一個溫暖既生日。我亦好識做，一早到場神秘地收埋個生日餅給朋友個驚喜，雖然依個生日會只得佢同我兩個人，不過對佢黎講已經好 warm 喇。先叫支靚香檳開一開胃先，朋友讓我發版，今晚既晚餐一切給我打點，我當然駕輕就熟啦 ~ 得兩個人食，朋友仔又無咩胃口，order 唔到太多野，咁就兩個頭盤一個意粉。各樣都好美味，只係有少少瑕疵啫 ~香煎鵝肝伴法包，雖然份量十足，夠晒油潤、肥美，真係好鬼正，裡面真係軟棉棉、熱辣辣，嘩 ﹗配法包同黑醋可減肥膩感，好味道。但外層還味煎得金黃香脆，所以口感會好滯好膩，要做到外脆肉嫰就 perfect 喇。白汁忌廉青口，嘗試新菜式，愛爾蘭青口，無煮過火，唔會粉口，仍保持彈牙口感同海鮮味，good。白汁配上香草味道都不俗，用白麵包同吃就一流喇，此道菜滿意既。黑松露雞肉扁意粉，原 menu 係普通意粉，但我夠喜歡扁意粉既質感同口感，雖然今次意粉稍為煮得腍左少少又有啲散，但倘算滿意，扣左少少分數。七成又太生，最好八到九成熟，滑得黎又夠嚥靭有趙口最正。簡單既一碟炒雞柳意粉，但加上大量松露油及少許松露碎，
先叫支靚香檳開一開胃先，朋友讓我發版，今晚既晚餐一切給我打點，我當然駕輕就熟啦 ~ 得兩個人食，朋友仔又無咩胃口，order 唔到太多野，咁就兩個頭盤一個意粉。各樣都好美味，只係有少少瑕疵啫 ~
香煎鵝肝伴法包，雖然份量十足，夠晒油潤、肥美，真係好鬼正，裡面真係軟棉棉、熱辣辣，嘩 ﹗配法包同黑醋可減肥膩感，好味道。但外層還味煎得金黃香脆，所以口感會好滯好膩，要做到外脆肉嫰就 perfect 喇。
白汁忌廉青口，嘗試新菜式，愛爾蘭青口，無煮過火，唔會粉口，仍保持彈牙口感同海鮮味，good。白汁配上香草味道都不俗，用白麵包同吃就一流喇，此道菜滿意既。
黑松露雞肉扁意粉，原 menu 係普通意粉，但我夠喜歡扁意粉既質感同口感，雖然今次意粉稍為煮得腍左少少又有啲散，但倘算滿意，扣左少少分數。七成又太生，最好八到九成熟，滑得黎又夠嚥靭有趙口最正。簡單既一碟炒雞柳意粉，但加上大量松露油及少許松露碎，即時變得不平凡。清香撲鼻既菌味，一大啖咁送入口，濃郁菌味佔據整個口腔，感覺好興奮，味道真的非常好，再配上淡淡炒雞柳既肉香，份外醒神。
食飽切埋生日蛋糕我既任務就完成喇，居然收我切餅費，VIP 都要收 ~ 好彩行過聖安娜未收舖，仲有現醒蛋糕買啫 ~ 算我朋友好采啦，咁啱我今晚得閒，否則真係要一個人留係屋企對住四面場，有男朋友又點啫，好先得架 ﹗
張貼
