影片
更多
2023-10-20
98 瀏覽
餐廳裝潢幾有日本居酒屋feel，座位幾闊落，坐得夠舒服。揀咗尊貴A5日本和牛放題(每位$458，未加一)，可以任食A5和牛！另外食物選擇幾平均，前菜、刺身、炸物，海鮮至一品料理都有，另外飲品有汽水、果汁、茶及啤酒等。坐低後，店員會先送上沙律、刺身、和牛及海鮮拼盤，份量都幾多，食完唔夠可以再用QR Code追加。燒和牛沙律材料幾豐富，有和牛、沙律菜、車厘茄及粟米等，配上和風沙律汁酸酸地幾開胃。刺身拼盤共6款刺身，包括三文魚、吞拿魚、帶子、赤蝦、油甘魚及刺身生蠔。刺身幾肥美，唔錯。日本A5和牛拼盤和牛係牛匠岩手黑毛和牛，拼盤有3款A5和牛，2款A4和牛及牛川秘製香茅牛柳。牛五花脂肪感最強烈，帶點入口即溶，而後腰肉幾有咬口。海鮮拼盤入面有牛川虎蝦、扇貝、蠔及甲羅燒。虎蝦都幾大隻，而甲羅燒滿滿蟹膏及蟹籽好香滑。手工月見燒鳥串食前要放入爐燒熱，外層燒到微脆，雞肉入面混合軟骨，更有口感。辣大蒜焗牡蠣蠔身幾飽滿，濃郁蒜香幾惹味，如果想再點要比錢追加。炸三文魚鮫炸魚鮫份量唔算大，炸得幾鬆脆，魚油好豐富。最後每人可以點一個雪糕做甜品，有movenpick及大阪雪糕兩款，第一次見大阪雪糕，所以揀咗豆腐味及
揀咗尊貴A5日本和牛放題(每位$458，未加一)，可以任食A5和牛！另外食物選擇幾平均，前菜、刺身、炸物，海鮮至一品料理都有，另外飲品有汽水、果汁、茶及啤酒等。
坐低後，店員會先送上沙律、刺身、和牛及海鮮拼盤，份量都幾多，食完唔夠可以再用QR Code追加。
燒和牛沙律
材料幾豐富，有和牛、沙律菜、車厘茄及粟米等，配上和風沙律汁酸酸地幾開胃。
刺身拼盤
共6款刺身，包括三文魚、吞拿魚、帶子、赤蝦、油甘魚及刺身生蠔。刺身幾肥美，唔錯。
日本A5和牛拼盤
和牛係牛匠岩手黑毛和牛，拼盤有3款A5和牛，2款A4和牛及牛川秘製香茅牛柳。牛五花脂肪感最強烈，帶點入口即溶，而後腰肉幾有咬口。
海鮮拼盤
入面有牛川虎蝦、扇貝、蠔及甲羅燒。虎蝦都幾大隻，而甲羅燒滿滿蟹膏及蟹籽好香滑。
手工月見燒鳥串
食前要放入爐燒熱，外層燒到微脆，雞肉入面混合軟骨，更有口感。
辣大蒜焗牡蠣
蠔身幾飽滿，濃郁蒜香幾惹味，如果想再點要比錢追加。
炸三文魚鮫
炸魚鮫份量唔算大，炸得幾鬆脆，魚油好豐富。
最後每人可以點一個雪糕做甜品，有movenpick及大阪雪糕兩款，第一次見大阪雪糕，所以揀咗豆腐味及伯爵茶味，兩杯都偏甜，相比之下個人鐘意豆腐味多啲。
整體食物選擇幾多，可以任食和牛真係幾爽，而且encore咗幾次牛五花，啱哂食肉獸們呀！
張貼
