影片
更多
4天前
0 瀏覽
富士山火焰脆脆薯仔沙律：薯蓉好滑，加埋附加嘅薯片一齊食，滋味又開胃。三品刺身盛合：帶子、油甘魚、三文魚都又肥味又新鮮，好好味呀～如果多幾片就好啦。鹿兒島A4肩胛和牛海膽反卷：上面嘅魚蓉好香，一啖就食到魚蓉、和牛、海膽，同新鮮嘅蔬菜，成個層次出晒嚟！重點係塊A4肩胛和牛係完全冇筋，入口即溶，而海膽亦好鮮味。芝麻雞翼：雞皮炸得酥脆，仲要加咗好香口嘅芝麻，而裡面嘅雞肉就保持嫩滑，非常唔錯。A4肩胛和牛150G：肩胛和牛真係好好食，加埋落壽嘉燒鍋度煮，又有另一種滋味。肉質非常鮮嫩，而且肉味好香濃，鍾意食牛嘅人一定讚口不絕！仲要淥完可以沾蛋漿食！好香呀！壽喜燒鍋配野菜豆腐籃：蔬菜新鮮，林林種種，食咁多肉都好應該食返啲菜中和吓。仲要係用壽喜燒湯底，令到蔬菜更清甜。燒芝士年糕：入面包住濃郁芝士，再沾埋煉奶一齊食，咸咸甜甜幾滋味。菠蘿乳酸梳打：菠蘿味重，清新，唔太甜，飯得出真係用新鮮菠蘿汁沖泡而成。蜜桃乳酸梳打：比菠蘿乳酸梳打甜啲，蜜桃味都好重。
富士山火焰脆脆薯仔沙律：薯蓉好滑，加埋附加嘅薯片一齊食，滋味又開胃。
三品刺身盛合：
帶子、油甘魚、三文魚都又肥味又新鮮，好好味呀～如果多幾片就好啦。
鹿兒島A4肩胛和牛海膽反卷：
上面嘅魚蓉好香，一啖就食到魚蓉、和牛、海膽，同新鮮嘅蔬菜，成個層次出晒嚟！重點係塊A4肩胛和牛係完全冇筋，入口即溶，而海膽亦好鮮味。
芝麻雞翼：
雞皮炸得酥脆，仲要加咗好香口嘅芝麻，而裡面嘅雞肉就保持嫩滑，非常唔錯。
A4肩胛和牛150G：
肩胛和牛真係好好食，加埋落壽嘉燒鍋度煮，又有另一種滋味。肉質非常鮮嫩，而且肉味好香濃，鍾意食牛嘅人一定讚口不絕！仲要淥完可以沾蛋漿食！好香呀！
壽喜燒鍋配野菜豆腐籃：
蔬菜新鮮，林林種種，食咁多肉都好應該食返啲菜中和吓。仲要係用壽喜燒湯底，令到蔬菜更清甜。
燒芝士年糕：
入面包住濃郁芝士，再沾埋煉奶一齊食，咸咸甜甜幾滋味。
菠蘿乳酸梳打：
菠蘿味重，清新，唔太甜，飯得出真係用新鮮菠蘿汁沖泡而成。
蜜桃乳酸梳打：
比菠蘿乳酸梳打甜啲，蜜桃味都好重。
張貼
