影片
更多
2021-10-11
337 瀏覽
難得喺北角做外勤，最期待嘅梗係中午時份睇下附近有咩好野食啦！我地行過北角匯商場，見到商場二樓落地玻璃上面掛住一大幅「老媽拌麵」嘅招牌，即刻諗起以前喺超市買過一包由台灣歌星A-lin代言嘅即食拌麵，估唔到原來呢隻牌子都有實體店嘅存在！加上我地當日又幾想食牛肉麵，所以就揀左呢間餐廳喇~一入到去，發現餐廳入面一個人都無，我諗係因為入座時間尚早，未到最旺嘅午市時間；二嚟係因為當日掛黑雨，外面滂沱大雨，相信無咩人願意走出嚟食飯......所以，我地就好似包場咁，四個人享受住呢間餐廳寧靜嘅時光，望住落地玻璃外面嘅北角碼頭海景，有一刻覺得自己好似走左入一間五星級酒店咁！店內裝飾非常有心思，風格偏向少女心，以粉紅色為主調；另外，店內採光自落地玻璃外嘅自然光，以及外面嘅海景，都令呢間餐廳嘅格調提升左唔少，啱哂時下嘅打卡一族！再講下食物質素方面，我叫左一客清湯牛腩湯麵，湯底清甜而不油膩，份量正常，算中上水平；不過，美中不足嘅係午餐唔跟野飲，要另外加錢；而令我覺得有點兒離譜嘅係：珍奶居然要加成$28，同平時單獨嗌一杯嘅價錢差唔多，叫價實在太高......總括嚟講，我會覺得餐廳係食環境多過食食物質素，想同三五
一入到去，發現餐廳入面一個人都無，我諗係因為入座時間尚早，未到最旺嘅午市時間；二嚟係因為當日掛黑雨，外面滂沱大雨，相信無咩人願意走出嚟食飯......所以，我地就好似包場咁，四個人享受住呢間餐廳寧靜嘅時光，望住落地玻璃外面嘅北角碼頭海景，有一刻覺得自己好似走左入一間五星級酒店咁！
店內裝飾非常有心思，風格偏向少女心，以粉紅色為主調；另外，店內採光自落地玻璃外嘅自然光，以及外面嘅海景，都令呢間餐廳嘅格調提升左唔少，啱哂時下嘅打卡一族！
再講下食物質素方面，我叫左一客清湯牛腩湯麵，湯底清甜而不油膩，份量正常，算中上水平；不過，美中不足嘅係午餐唔跟野飲，要另外加錢；而令我覺得有點兒離譜嘅係：珍奶居然要加成$28，同平時單獨嗌一杯嘅價錢差唔多，叫價實在太高......
總括嚟講，我會覺得餐廳係食環境多過食食物質素，想同三五知己享受一個chill海景嘅午餐/下午茶，都係一個唔錯嘅選擇！
張貼
