44
21
14
等級3
29
4
2008-05-20 110 瀏覽
假日經常去謝記魚蛋食嘢, 但都無留意到佢隔離過幾間舖有間不起眼嘅上海小店, 前排見到Open Rice嘅食家對此食店評語唔錯, 所以就嚟試吓啦!2個人Order 咗4樣嘢:1. 肉絲炒年糕 ($42) – 用嘅年糕唔靚, 太”林”,而且有d黏口! 自己比較鍾意食上海水晶年糕。 D年糕有落老抽炒, 但調味略淡, 未能符合上海菜嘅味道! 但配料 (肉絲, 椰菜, 冬菇絲) 同埋煱氣都算ok, 整體亦屬勉強合格。2. 上湯菜肉雲吞 ($28) – 雲吞皮屬一般貨色, 口感一般。 饀料味道唔夠濃, 而且份量太少。 即係皮太多, 肉太少! 但有上海人包雲吞嘅住家feel! 3. 鍋貼 ($16) – 頗香口, 皮同埋餡味道幾好, 但內裡嘅油多咗d!4. 上海小籠包 ($37) – 賣相並不討好, 但食落有驚喜! 外形細細粒, 容易食! 皮唔算好薄 (傳統上海風味嘅小籠賣點並唔係皮薄), 但餡料味道好濃郁, d肉汁好鮮! 熱燙燙嘅湯配合鮮味嘅肉, 剛好一口一個! 好好食! 感覺有d似上海城隍廟的百年老字號南翔饅頭店的南翔小籠包 (我指嘅係地下外賣部嗰層d貨色!)估唔到响呢間上海小店會食到A貨嘅上
更多
假日經常去謝記魚蛋食嘢, 但都無留意到佢隔離過幾間舖有間不起眼嘅上海小店, 前排見到Open Rice嘅食家對此食店評語唔錯, 所以就嚟試吓啦!

2個人Order 咗4樣嘢:

1. 肉絲炒年糕 ($42) – 用嘅年糕唔靚, 太”林”,而且有d黏口! 自己比較鍾意食上海水晶年糕。 D年糕有落老抽炒, 但調味略淡, 未能符合上海菜嘅味道! 但配料 (肉絲, 椰菜, 冬菇絲) 同埋煱氣都算ok, 整體亦屬勉強合格。

2. 上湯菜肉雲吞 ($28) – 雲吞皮屬一般貨色, 口感一般。 饀料味道唔夠濃, 而且份量太少。 即係皮太多, 肉太少! 但有上海人包雲吞嘅住家feel!

3. 鍋貼 ($16) – 頗香口, 皮同埋餡味道幾好, 但內裡嘅油多咗d!


4. 上海小籠包 ($37) – 賣相並不討好, 但食落有驚喜
! 外形細細粒, 容易食! 皮唔算好薄 (傳統上海風味嘅小籠賣點並唔係皮薄), 但餡料味道好濃郁, d肉汁好鮮! 熱燙燙嘅湯配合鮮味嘅肉, 剛好一口一個! 好好食! 感覺有d似上海城隍廟的百年老字號南翔饅頭店的南翔小籠包 (我指嘅係地下外賣部嗰層d貨色!)

估唔到响呢間上海小店會食到A貨嘅上海城隍廟小籠包


2個人埋單$123, 全日免加一。
83 瀏覽
0 讚好
0 留言
小籠包
37 瀏覽
0 讚好
0 留言
菜肉雲吞
71 瀏覽
1 讚好
0 留言
鍋貼/ 肉絲炒年糕
60 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$62 (午餐)
推介美食
小籠包