影片
更多
2020-11-12
26 瀏覽
觀塘鴻圖中心地下有好多唔同嘅餐廳，大部份嘅餐廳我都試過，今次就特登試下呢間叫ugly duckling 的西餐廳。呢間餐廳喺正鴻圖中心中間位置，佈置好似80年代嘅西餐廳一樣，好有特色，連張枱布都係用紅色格仔嘅野餐枱布，打卡都別有一番風味㗎。晚餐Menu都好多款式揀，而且價錢都超級實惠，茶餐廳都未必食到。我哋兩個人開頭揀咗兩個餐，一個係鐵板西冷牛扒配薯條，令一個係燒豬仔脾配薯條，兩個餐都包湯同埋飲品，湯係類似薯蓉咁嘅湯，其實飲完一半都覺得有飽肚感，所以呢餐飯絕對飽肚哈哈。話咁快煮食就上枱啦，西冷牛扒係同鐵板一齊上嘅，熱辣辣嘅西冷扒喺鐵板上面，牛扒肉質鮮嫩，好彈牙好有口感。燒豬髀都係同樣好食，豬仔髀有三件，配上啲薯菜同埋啲汁，份量都好充足，豬仔髀肉質都好嫩滑，呢個餐都係$88 ，有湯有嘢飲真係好抵食。因為好食嘅緣故，加上食咗咁多肉類，我哋想食返些少蔬菜，見大家胃口好仲有多些quota，就點左慢煮雞胸少南瓜雜菜沙律，呢個沙律面頭好幾塊雞胸肉，沙律嘅醬汁撈埋雞胸肉同埋燒南瓜一齊食，真係幾開胃㗎，如果唔係已經食飽咗，都真係可以繼續再食啊。特別一提嘅係餐廳嘅服務員超級Nice，一到以為佢係老闆，如
呢間餐廳喺正鴻圖中心中間位置，佈置好似80年代嘅西餐廳一樣，好有特色，連張枱布都係用紅色格仔嘅野餐枱布，打卡都別有一番風味㗎。
晚餐Menu都好多款式揀，而且價錢都超級實惠，茶餐廳都未必食到。
我哋兩個人開頭揀咗兩個餐，一個係鐵板西冷牛扒配薯條，令一個係燒豬仔脾配薯條，
兩個餐都包湯同埋飲品，湯係類似薯蓉咁嘅湯，其實飲完一半都覺得有飽肚感，所以呢餐飯絕對飽肚哈哈。
話咁快煮食就上枱啦，西冷牛扒係同鐵板一齊上嘅，熱辣辣嘅西冷扒喺鐵板上面，牛扒肉質鮮嫩，好彈牙好有口感。
燒豬髀都係同樣好食，豬仔髀有三件，配上啲薯菜同埋啲汁，份量都好充足，豬仔髀肉質都好嫩滑，呢個餐都係$88 ，有湯有嘢飲真係好抵食。
因為好食嘅緣故，加上食咗咁多肉類，我哋想食返些少蔬菜，見大家胃口好仲有多些quota，就點左慢煮雞胸少南瓜雜菜沙律，呢個沙律面頭好幾塊雞胸肉，沙律嘅醬汁撈埋雞胸肉同埋燒南瓜一齊食，真係幾開胃㗎，如果唔係已經食飽咗，都真係可以繼續再食啊。
特別一提嘅係餐廳嘅服務員超級Nice，一到以為佢係老闆，如果老闆請咗咁好嘅員工真係有福了，希望下次食飯再見到呢位員工哈哈。
張貼
