8號冰室

營業中

休息中

上星期約咗人喺灣仔 ， 大家想食個下午茶餐先，一出灣仔地鐵站 C 出口， 對面就係 8號冰室 ， 就即管試下。 我哋兩個人， 嗌咗 雞髀配蒜蓉多士， 8號豬扒包。 個雞髀叫瑞士汁， 其實就似鹵水多啲。 唔理佢乜汁， 總之好入味， 係似鹵水鴨腎雞髀雞翼嗰種入味嘅程度， 好耐未食過 呢個味。 個8號豬扒包， 麵包外面香脆裡面鬆軟， 豬扒好香口但唔乾， 個蕃茄醬似乎係自家製有啲料到， 唔錯唔錯。 好彩同個friend夾食， 先有機會試齊兩個茶餐嘅美味。見到隔離枱個阿叔 嘆緊碗例湯， 唔知乜嘢湯， 望落去好足料， 好有興趣試下 。下次試吓午飯或晚飯嚟， 試吓佢哋嘅例湯同小菜。 我個人好鍾意飲例湯， 碗湯咩樣就代表間餐廳有冇誠意 呢間係8號冰室唔錯， 我會再幫襯 ，加油。