影片
更多
2025-06-15
735 瀏覽
父親節，作為父親嘅我都揀間好啲嘅餐廳慶祝。最近見到尖沙咀嘅”驚安燒肉商店”做緊啲新嘅優惠，咁不如趁節日去試吓。$8全港最平牛舌芯大碟，好食，質感爽口唔韌，絕對唔係放題貨色。最重要嘅係，每位可以叫一碟。咁樣2位先食兩碟，抵到爛，一定要叫盡佢。蟹黃海膽月見飯 $148睇外型都知，呢個新產品嘅蟹黃十足，加上海膽同生蛋黃，一撈埋一定係會好食😆。最重要佢唔會過鹹，更加唔會腥，而且飽肚。上九宮格 $388九宮格係呢度本身嘅signature，老朋友了。九宮格包晒靚嘅豬牛雞仲有活白鱔。我唔嘥時間，話俾大家知最好食係中間嘅和牛五花，同和牛一口牛，呢兩樣食完係會感動嘅。和牛壽喜燒 $98和牛本身有兩大塊，本來已經好抵食。但有專人燒埋嘅壽喜燒，就更加抵食。專人燒完之後會放落有蛋汁嘅壽喜燒汁，再放落飯度。一口咬來，天下無敵。翠玉瓜 $28菠蘿 $28叫返啲配菜，原來呢度嘅配菜份量都唔少，$28有八嚿大菠蘿，當然非常鮮甜。手打香水檸檬茶 $28手打香水檸檬益力多梳打 $38另一樣非常抵叫嘅嘢。大大杯手打嘅飲品，只係$28起。但佢嘅香水同手打檸檬味十足，甜度亦夠，相當解渴。宇治抹茶最中餅 $32香濃嘅抹茶雪糕，
最近見到尖沙咀嘅”驚安燒肉商店”做緊啲新嘅優惠，咁不如趁節日去試吓。
$8全港最平牛舌芯
大碟，好食，質感爽口唔韌，絕對唔係放題貨色。
最重要嘅係，每位可以叫一碟。
咁樣2位先食兩碟，抵到爛，一定要叫盡佢。
蟹黃海膽月見飯 $148
睇外型都知，呢個新產品嘅蟹黃十足，加上海膽同生蛋黃，一撈埋一定係會好食😆。
最重要佢唔會過鹹，更加唔會腥，而且飽肚。
上九宮格 $388
九宮格係呢度本身嘅signature，老朋友了。
九宮格包晒靚嘅豬牛雞仲有活白鱔。
我唔嘥時間，話俾大家知最好食係中間嘅和牛五花，同和牛一口牛，呢兩樣食完係會感動嘅。
和牛壽喜燒 $98
和牛本身有兩大塊，本來已經好抵食。但有專人燒埋嘅壽喜燒，就更加抵食。專人燒完之後會放落有蛋汁嘅壽喜燒汁，再放落飯度。一口咬來，天下無敵。
翠玉瓜 $28
菠蘿 $28
叫返啲配菜，原來呢度嘅配菜份量都唔少，$28有八嚿大菠蘿，當然非常鮮甜。
手打香水檸檬茶 $28
手打香水檸檬益力多梳打 $38
另一樣非常抵叫嘅嘢。大大杯手打嘅飲品，只係$28起。但佢嘅香水同手打檸檬味十足，甜度亦夠，相當解渴。
宇治抹茶最中餅 $32
香濃嘅抹茶雪糕，加上紅豆同脆脆嘅餅，好好嘅收結。
呢度環境唔錯，枱同枱之間嘅分隔足夠，亦有部份獨立房，而且有景觀。加上呢度嘢食質素高，價錢合理，食完真係大滿足！
張貼
