諗住係附近食個快餐，
見「雞少雞飯」幾乾淨企理 ，價錢又親民，$60起就有個餐，就諗住試試佢～
又真係唔錯喎！☺️
1
「雞少雞飯」顧名思義最出名嘅一定係雞飯啦！😂
所以我地就叫左個海南雞飯餐，
本身飯餐配送無味精自家煲製嘅椰子雞湯，
見加$22可以升級做肉骨茶咁抵，梗係要試下啦！☺️
🔸新加坡去骨海南雞飯（$63）‼️推薦‼
海南雞份量都幾足料，
雞件肉厚嫩滑，就算係雞胸一啲都唔嚡，
旁邊配上三款秘製醬汁：新加坡黑醬油、青辣椒醬和蒜醬，
蘸上雞肉更惹味！😋
油飯色澤金黃，有飯香亦都有雞油香，但食落唔會太油膩。👍🏻
至於肉骨茶就好足料，
有大大件排骨、雞腳、豆卜和冬菇，
藥材味唔會太重太難接受，正🤩！
🔹老街碳燒豬頸肉喇沙（$74）‼️推薦‼
喇沙湯底散發着柔和嘅椰香，😌
麵底採用大馬正宗的「摻摻」做法，即係米粉撈油麵，
米粉盡吸湯汁，加上爽口滑嘟嘟嘅油麵，
每一啖有齊粗幼軟韌不同口感，層次感十足！😏
配料好豐富，有魚片、豆卜、半隻雞蛋🥚等，
豆卜吸晒湯底嘅精華，超正！😋
至於主菜豬頸肉都幾大份！🥰🥰
外皮燒至微微嘅焦香，肉質保持嫩滑，蘸上辣醬更惹味！
而每份套餐都可以優惠價加配小食！😎
🔸一人蝦湯浸時菜（$7）
一人份量不過不失，不過平時加碟菜都要十幾廿蚊，所以都算抵食！
🔹獅城黃金炸蝦餅（4塊）（$22）
外皮炸得香口，帶少少蝦香，口感爽彈！
