PizzaExpress (香港科學園)

營業中

休息中

餐廳座落於白石角的海岸邊上，可以望住吐露港食餐，非常寫意。餐廳設有室內及室外的用餐區，室內樓底頗高，裝修雅緻，同時可觀望到開放式廚房，見到薄餅即叫即製既烹煮過程。意式風乾牛肉配吞拿魚醬牛肉薄切得黎又好均勻，油光四溢，配上香料及酸豆葉，味道好酸，但非常清爽開胃。吞拿魚醬做得好幼滑，而且調味濃郁，餘味不絕。卡邦尼薄餅表面灑有意式風乾豬面肉，雞蛋是半生熟，放置在薄餅的中間，蛋汁與餅底融合，加上巴馬臣芝士及馬蘇里拉芝士的芝士二重奏。餅底口感薄得黎十分鬆軟。藍天乳酸特飲上層有一層厚厚的忌廉，口感軟滑。在忌廉中間有一塊餅乾，浸滿了乳酸。士多啤梨乳酸特飲在杯頂掛著半粒士多啤梨，味道清新，簡直係夏日消暑良物，仲食到一粒粒士多啤梨籽。