The Point - Pizza & Pasta (青衣城) (已結業)

朋友約我係青衣城行街食飯，佢訂咗The Point。因為佢鍾意食呢度嘅Pizza，做咗會員。我哋兩個坐卡位，都幾舒服。店員介紹最新推出咗點咗$588的二人龍蝦盛宴2.0，套餐已包括沙律、餐湯、 意粉及飲品。會員仲有九折及同時可使用100元優惠券，我哋見其他人都係點呢個套餐，咁我哋兩個就試吓啦。🦞龍蝦湯兩碗熱辣辣嘅龍蝦湯先到，湯底好濃郁，仲有龍蝦肉作點綴，賣相吸引。🥗沙律沙律分三層，底部係牛油果🥑，中間係芒果🥭及蕃茄莎莎🍅，上層擺咗隻蝦，幾清新。🦞原隻新鮮波士頓龍蝦海鮮煲配扁意粉店員之前介紹話呢個用整隻新鮮龍蝦烹調，海鮮配料有藍青口、大蜆、魷魚🦑等，份量都幾大，一個好豐盛嘅感覺，龍蝦都幾大隻，有膏，肉質彈牙；意粉🍝吸收咗蕃茄海鮮汁，好惹味。🍏青蘋果梳打微甜，好啱夏天飲🌿。