Attic Handmade Pasta (已結業)

晚餐想食得豐富啲，叫咗五道菜晚餐。加埋一大概$500至$600一個餐左右。首先嚟咗個蟹肉酥，細細件，面上有蟹肉，個樣都幾精緻。之後好快就有麵包同湯。湯嘅樣都幾靚飲落去味道夠。野菌意大利飯，飯偏硬少少，有咬口，夠多汁。芝士夠均勻，整個飯帶有芝士香。充滿野菌味道，鍾意食菇類嘅人就相當啱。豚肉肉質幾好，夠香嘅豬肉味。豬肉夠油份有光澤。青口意粉份量唔算，多意粉係闊條麵，都幾爽身。有蕃茄。甜品揀咗提拉米蘇，細細杯吊下甜品癮。餐廳嘅環境幾好，食物就要啲時間製作。