影片
更多
2022-07-09
18 瀏覽
📍雲壽司 - #YFF中環【$400有找Omakase‼️可能係全港最抵食廚師發辦🍣】估唔到竟然呢個價錢居然食到omakase，仲要由米芝蓮師傅坐鎮，用料採用每日係日本空運到港嘅食材，非常高質！最重要嘅係，呢到每件壽司真係逐件逐件咁即握即serve架。師傅會係上菜時略略介紹吓件壽司，不過就唔算介紹得好詳細，而且服務都冇出面貴價版咁周到，不過呢個價錢都算acceptable嘅～❝雲 Kumo❞ — $380❏ 壽司十貫 、手卷一件、麵豉湯➤ 白蝦白蝦有「富山灣的寶石」之稱，由於白蝦死後身體會由淡粉色變為白皙，故有白蝦之稱。白蝦嘅樣貌質感同甜蝦幾似，不過尺寸就小巧好多～ 食落肉質彈牙，唔會太濕黏軟爛，反而帶點鮮甜爽口。➤ 深海池魚夏天係深海池魚嘅當造季節。深海池魚棲息喺水深200至800米的深海中，肉質比一般嘅池魚更加細緻鮮美，而且食落魚味幾重～➤ 火炙吞拿魚臉肉稀有部位‼️吞拿魚面頰肉嘅肉質爽口有彈性，火炙過後令肉味濃郁嘅面頰肉更為香口。➤ 活北寄貝師傅上菜前拍咗一拍貝肉，見到貝肉緩緩捲曲，原來咁做可以令佢神經收縮，肉質會食落更爽口架～只有最新鮮嘅貝類先會有呢種效果，可見用料新鮮講究！食落肉
【$400有找Omakase‼️可能係全港最抵食廚師發辦🍣】
估唔到竟然呢個價錢居然食到omakase，仲要由米芝蓮師傅坐鎮，用料採用每日係日本空運到港嘅食材，非常高質！最重要嘅係，呢到每件壽司真係逐件逐件咁即握即serve架。師傅會係上菜時略略介紹吓件壽司，不過就唔算介紹得好詳細，而且服務都冇出面貴價版咁周到，不過呢個價錢都算acceptable嘅～
❝雲 Kumo❞ — $380
❏ 壽司十貫 、手卷一件、麵豉湯
➤ 白蝦
白蝦有「富山灣的寶石」之稱，由於白蝦死後身體會由淡粉色變為白皙，故有白蝦之稱。白蝦嘅樣貌質感同甜蝦幾似，不過尺寸就小巧好多～ 食落肉質彈牙，唔會太濕黏軟爛，反而帶點鮮甜爽口。
➤ 深海池魚
夏天係深海池魚嘅當造季節。深海池魚棲息喺水深200至800米的深海中，肉質比一般嘅池魚更加細緻鮮美，而且食落魚味幾重～
➤ 火炙吞拿魚臉肉
稀有部位‼️吞拿魚面頰肉嘅肉質爽口有彈性，火炙過後令肉味濃郁嘅面頰肉更為香口。
➤ 活北寄貝
師傅上菜前拍咗一拍貝肉，見到貝肉緩緩捲曲，原來咁做可以令佢神經收縮，肉質會食落更爽口架～只有最新鮮嘅貝類先會有呢種效果，可見用料新鮮講究！食落肉厚而爽脆，輕沾山葵醬油，已經鮮美無比。
➤ 金目鯛
肉質細膩肥美，油脂含量適中，味道鮮美。
➤ 火炙銀鱈魚
肉質帶有豐富魚油，但唔會有好油膩嘅感覺。經過火炙處理，表面燒焦，魚脂喺口腔爆發，超香！肉質肥美軟嫩，口感香滑。
➤ 沙甸魚
沙甸魚係最健康嘅壽司之一，含豐富嘅鈣質、omega 3同埋維他命D。沙甸魚肉質結實，鮮美爽甜，加埋薑蓉同蔥花同食仲可以去腥味，整體味道濃郁帶點清新。
➤ 火炙目光魚
肉質無比鮮嫩，口感有啲似九肚魚同多春魚嘅混合體，火炙過後逼晒啲油脂出黎，魚油香迅速化於舌尖。
➤ 大拖羅
油脂分佈平均，輕輕一咬，雪白色的魚油在口中融化，口感肥美滑潤。
➤ 北海道海膽
味道濃厚甘甜，鮮味十足完全無腥味，質感軟綿。
張貼
