影片
更多
6天前
0 瀏覽
最近聽聞「味火鍋」推出左潮汕牛肉海鮮火鍋放題，主打任飲任食，仲係無限時！每位只係$359，性價比高到爆，岩晒約埋一大班朋友黎任食任飲加傾計吹水，無時間限制真係爽到不得了！於是即刻book位，同幾個好兄弟一齊殺過去試下，準備大開殺戒！🍲.第一部曲 - 火鍋湯底打邊爐最緊要係個湯底，味火鍋就算係任食放題，都做到高質！佢地有八款全新鍋底，我地揀左極尚瑤柱冬瓜鍋，吾使額外加錢就有得食。火鍋入面放左半隻大冬瓜盅，上面鋪滿魚翅，冬瓜盅中間仲有冬瓜肉、雞肉、瑤柱等，湯底清甜得黎帶點瑤柱既鮮香，飲落去好滋補，冬瓜肉軟腍入味，食完暖晒心！🥄.第二部曲 - 邪惡小食揀完湯底，當然要叫d小食邊食邊等！呢度既小食都係任食，即叫即做，有黃金脆魚皮、椒鹽粟米、紅油抄手、脆脆蝦飛碟、酥炸老虎蝦卷同香酥小排骨。我地首推自家製椒鹽粟米，粟米好甜，外層裹滿濃濃椒鹽香，咬落去脆口又多汁！仲有脆脆蝦飛碟，外邊金黃酥脆，內裏多汁蝦肉，食落去真係有驚喜，好似飛碟咁得意！🍤.第三，四部曲 - 狂叫4款潮汕牛肉 + 伊比利亞黑豚肉重頭戲來啦！潮汕牛肉有吊龍、五花趾、超山匙仁同胸油肉，任食到你手軟！吊龍係牛脊內側位置，肉質嫩滑得黎有咬
最近聽聞「味火鍋」推出左潮汕牛肉海鮮火鍋放題，主打任飲任食，仲係無限時！每位只係$359，性價比高到爆，岩晒約埋一大班朋友黎任食任飲加傾計吹水，無時間限制真係爽到不得了！於是即刻book位，同幾個好兄弟一齊殺過去試下，準備大開殺戒！🍲
.
第一部曲 - 火鍋湯底
打邊爐最緊要係個湯底，味火鍋就算係任食放題，都做到高質！佢地有八款全新鍋底，我地揀左極尚瑤柱冬瓜鍋，吾使額外加錢就有得食。火鍋入面放左半隻大冬瓜盅，上面鋪滿魚翅，冬瓜盅中間仲有冬瓜肉、雞肉、瑤柱等，湯底清甜得黎帶點瑤柱既鮮香，飲落去好滋補，冬瓜肉軟腍入味，食完暖晒心！🥄
.
第二部曲 - 邪惡小食
揀完湯底，當然要叫d小食邊食邊等！呢度既小食都係任食，即叫即做，有黃金脆魚皮、椒鹽粟米、紅油抄手、脆脆蝦飛碟、酥炸老虎蝦卷同香酥小排骨。我地首推自家製椒鹽粟米，粟米好甜，外層裹滿濃濃椒鹽香，咬落去脆口又多汁！仲有脆脆蝦飛碟，外邊金黃酥脆，內裏多汁蝦肉，食落去真係有驚喜，好似飛碟咁得意！🍤
.
第三，四部曲 - 狂叫4款潮汕牛肉 + 伊比利亞黑豚肉
重頭戲來啦！潮汕牛肉有吊龍、五花趾、超山匙仁同胸油肉，任食到你手軟！吊龍係牛脊內側位置，肉質嫩滑得黎有咬頭，涮一涮就食得，鮮味爆棚！匙仁係牛肩胛內側位，油脂豐富，入口即化，香到爆！五花趾係牛後肌腱位置，爽脆彈牙，食落去好有口感！每款牛肉都各有特色，仲有伊比利亞黑豚肉，油花均勻，涮完好香，食到停吾到！🥩
.
第五部曲 - 任食海鮮
海鮮都係任食，多款時令海鮮任你揀！當日有海蝦、鮑魚同台灣白鱔片，海蝦好生猛，一條條用竹籤穿好，涮完鮮甜彈牙，肉質好實！鮑魚都好生猛，大大隻，食落去爽口又有海水味，鮮到爆！食海鮮配埋湯底，簡直係完美，食幾多都吾嫌多！🦞
.
第六部曲 - 任食高質火鍋配料
配料方面有超過35款，鮮蝦水餃、西洋菜豬肉餃、韭菜豬肉餃、炸一口午餐肉、鮮淮山、即炸響鈴卷同超甜粟米，樣樣都吸引！餃子係自家製手工餃，每隻好似乒乓波咁大大粒，勁足料，涮完好彈牙！炸響鈴同午餐肉都係自家製，響鈴脆口，午餐肉香濃，仲有其他配料未試勻晒，例如牛筋丸、QQ豬肉丸、鮮鵝腸、豬大腸、豬肚、一口凍豆腐、金沙蟹籽鮮蝦球、鴨血、寬粉同淮山刀削麵，夠晒豐富！🥟
.
第七部曲 - 任飲啤酒汽水
飲品方面都係任飲，有多款啤酒同汽水，最推薦就係玻璃樽汽水，懷舊得黎飲落去特別爽口！食完一餐火鍋，飲返支冰凍汽水解一解，真係好滿足！🥤
張貼
