大快活 (萬年大廈)

營業中

休息中

老實講已經唔知幾多年無幫襯過連鎖快餐店，今晚實在太肚餓，個心淨係諗住想食個飯，一個人又唔想搞得太複雜，又要快，見到橫街隔離，有間大快活就衝左入去。入到去見到有素食選擇，仲有紅米飯添，完全啱心水，睇咗唔使半分鐘就已經決定。送餐到面前，雜菜份量都唔算少，飯又唔係特別多，呢個配搭都幾唔錯，因為夜晚真係唔需要食太多野落肚。因為實在太肚餓，好快咁就吃完碗飯。對於我來講個南瓜汁偏鹹，菜係烚過再加南瓜汁上去，所以油份並唔係太多，呢一點係有啲驚喜架，紅豆冰飲咗半杯都冇，食咗啲紅豆仲要求少奶走冰。轉嘢飲之後最後埋單＄44，老實講係我平時返工嘅地方午餐都食唔到，更何況係一個晚餐呢，所以我覺得性價比真係唔錯。