第一次食台蔡滷肉飯係2022年，嗰陣啱啱新開，仲記得要排半個鐘先入到去。3年後再返去食，台蔡已經入選過「米芝蓮」推薦，我本來都擔心味道keep唔keep到，2025年水準都keep到我就放心喇🫶🏻
滷肉飯仍然夠香，肥瘦比完美，飯底吸晒滷汁，粒粒分明。酸菜微甜帶酸，好有台灣🇹🇼feel。招牌鹽酥雞炸得乾爽、外脆內嫩，啖啖肉、唔油膩。食到最後仲有熱氣，證明係即炸。
店入面冇花巧裝修，但氣氛親切，聽到台灣腔店員講「謝謝」，就覺得有人情味。
睇住台蔡創業初期故事都幾感人，2025年仲保持咁穩定，真係難得。希望時勢艱難小店可以長做長有💪🏻💪🏻💪🏻
