影片
更多
2017-02-28
152 瀏覽
又係搵食時間，今次到另一半搵食！去到港島線最篤篤都不特止，仲要先經過一條文青街道，長長的石牆上長滿了老樹，單是行過已經心情大好！去到街角轉個彎，行上樓梯先真真正正入到火鍋本色，如此隱秘，未入門口都估到唔會點聽到普通話、自由人。一如所料，店內大部分都是外藉人士、西裝斯文顧客，氣氛溫婉如入咖啡店，配上微暗燈光、居酒屋cross工業風裝修，如果要話香港有「文青邊爐」，呢到應該算係其中一個熱點！一坐低侍應已經送上餐牌與鼓酒佐料，仲推薦我哋食象拔蚌刺身！果然夠文青，連侍應都係文學風架！不過我哋都諗，既然食得刺身不如食多幾款啦，所以就叫咗個刺身拼盤，同埋鴛鴦湯底喇。呢到叫鴛鴦湯唔駛加錢，只收2個湯底入面貴啲嗰個嘅價，都幾合理！而且都有幾多特別湯底，詳細大家去到再慢慢睇啦XD我哋叫咗牛尾湯同埋椰子螺頭，一嚟到都有驚喜！因為真係料多過水，個牛尾湯足料到唔係幾落到火窩料入去，因為啲牛尾同蕃茄已經塞滿了！個湯底都幾香，而且越煲越濃，正！椰子螺頭就淡口啲，牛尾湯贏哂！食主菜之前先嚟一個老友鬼鬼，即係油炸鬼釀墨魚滑，熟食嚟可以即食！個油炸鬼好脆口，放入湯滾一滾先食又得，即食又得，推薦！不過既然係刺身火鍋，當然
一坐低侍應已經送上餐牌與鼓酒佐料，仲推薦我哋食象拔蚌刺身！果然夠文青，連侍應都係文學風架！不過我哋都諗，既然食得刺身不如食多幾款啦，所以就叫咗個刺身拼盤，同埋鴛鴦湯底喇。呢到叫鴛鴦湯唔駛加錢，只收2個湯底入面貴啲嗰個嘅價，都幾合理！而且都有幾多特別湯底，詳細大家去到再慢慢睇啦XD我哋叫咗牛尾湯同埋椰子螺頭，一嚟到都有驚喜！因為真係料多過水，個牛尾湯足料到唔係幾落到火窩料入去，因為啲牛尾同蕃茄已經塞滿了！個湯底都幾香，而且越煲越濃，正！椰子螺頭就淡口啲，牛尾湯贏哂！食主菜之前先嚟一個老友鬼鬼，即係油炸鬼釀墨魚滑，熟食嚟可以即食！個油炸鬼好脆口，放入湯滾一滾先食又得，即食又得，推薦！
不過既然係刺身火鍋，當然要講下個刺身啦！拼盤真係幾多料，油甘魚、三文魚、八爪魚、北寄貝、帶子、牡丹蝦，不過最出色一定係海膽！雖然得2片，不過size好大，而且非常甜美！而三文魚同帶子都係要推介嘅，前者好肥美，後者好厚肉！
至於牛呢，因為同另一半對牛都無咩太大要求，只係要咗手切肥牛，不過都好薄身，加上牛尾湯同蕃茄真係一流！對牛有興趣者不妨試下其他。另外叫咗黑松露餃、松葉蟹膏丸，都幾好味！反而係打邊爐好多人都會叫下粉麵以求飽肚啲，我就會話叫個日本蕃薯仔仲好啦！連皮上，切細細舊，不過都有成十幾粒，好味過公仔麵啦！不過食嘅時候都幾搞笑，個煲大極有限，唔知點解硬係搵唔返佢哋！都唔緊要啦，滾耐啲軟身啲仲好食！
文青地方，邊食邊傾計真係幾好！啲客人又唔嘈，大家都靜靜哋吹下水滾滾下，2個鐘好快就過！食飽飽出去出面貨物裝卸區散下步繼續傾，睇下人哋放狗、跑步，享受下夜晚，人生幾何！
張貼
