影片
更多
2023-02-14
101 瀏覽
呢個商場咁大咁多嘢食，我揀咗好耐先揀到呢間舖頭。門口咁多人應該都幾受歡迎，所以決定落嚟試吓。呢度有啲可以自己落單，咁就唔會出錯啦。望完一輪我哋就揀咗一個1901路梁津海鮮炒飯，綠茶拿鐵，同埋朱古力糯米糍雪花冰。電子落單，所以好快就有嘢食送到。呢個海鮮炒飯好似煲仔飯咁，用個石鍋裝住，保溫一流，仲有少少飯焦喺度，充滿韓式風味，打卡一流。啲海鮮用料豐富，一望落去就見到晒啲魷魚鬚，四隻青口同埋大蝦。啲蝦夠晒新鮮，咬落夠彈牙，唔會黐住個殼。呢個韓式辣醬唔會太辣，撈飯啱啱好，所以好快就俾我哋食哂。呢個綠茶拿鐵充滿着奶香味，唔會太甜，面頭仲加咗啲綠茶粉同埋奶泡用嚟裝飾，打卡一流。呢個朱古力糯米糍雪花冰，真係睇得又食得，有三粒大大粒嘅朱古力糯米糍，食落去煙煙韌韌，加埋啲朱古力粉，咬落去軟淋淋，配埋雪花冰，真係夏日必叫嘅甜品。
門口咁多人應該都幾受歡迎，所以決定落嚟試吓。
呢度有啲可以自己落單，咁就唔會出錯啦。望完一輪我哋就揀咗一個1901路梁津海鮮炒飯，綠茶拿鐵，同埋朱古力糯米糍雪花冰。
電子落單，所以好快就有嘢食送到。
呢個海鮮炒飯好似煲仔飯咁，用個石鍋裝住，保溫一流，仲有少少飯焦喺度，充滿韓式風味，打卡一流。
啲海鮮用料豐富，一望落去就見到晒啲魷魚鬚，四隻青口同埋大蝦。啲蝦夠晒新鮮，咬落夠彈牙，唔會黐住個殼。
呢個韓式辣醬唔會太辣，撈飯啱啱好，所以好快就俾我哋食哂。
呢個綠茶拿鐵充滿着奶香味，唔會太甜，面頭仲加咗啲綠茶粉同埋奶泡用嚟裝飾，打卡一流。
呢個朱古力糯米糍雪花冰，真係睇得又食得，有三粒大大粒嘅朱古力糯米糍，食落去煙煙韌韌，加埋啲朱古力粉，咬落去軟淋淋，配埋雪花冰，真係夏日必叫嘅甜品。
張貼
