Hans Bar and Restaurant

營業中

休息中

星期六大約黃昏時分未夠鐘食飯，就去咗尖沙咀寶勒巷附近 既Hans bar and restaurant ，同朋友飲返杯chill 一chill。餐廳裝修簡潔 帶有一些工業風, 雖然餐廳唔算好大，但坐都唔會覺得好迫同幾舒服。 餐廳播住一啲好舒服嘅英文歌唔會好嘈吵適合同朋友傾偈。飲品方面叫咗一杯mocktail~Aloha! 入口感覺幾舒服既creamy而且幾重香蕉味適合 女士飲同一杯cocktail~蛋撻 Tart too面頭有cream, 做到好似有隻蛋係面，飲落都幾幾有rum 酒味，幾易入口，口感幾好。小食方面叫咗一口芝士同雞翼 送酒， 雞翼炸到十分香口 面頭有少少芝士粉 ，加乘左個雞翼， 個一口芝士都好好食。另外叫左個鵝肝多士， 1份有3件。 鵝肝 面頭有少少泡菜，令到個味道更加出，多士都十分之脆 加加埋埋好夾。總括嚟講，餐廳環境舒服，唔會好嘈，適合朋友飲酒傾計。