麥田冰室

營業中

休息中

今日個朋友係荃灣中心個頭放工約我去個邊食飯，咁我地就揀左麥田冰室，個招牌好大好光，一見就見到。咁我揸車黎搵佢，對面線都泊到下車，可以望到架車幾好。咁我地就叫左乾炒牛河，雖然普通又平民，但要整到又香又滑又有鑊氣都唔係咁容易，咁我地就覺得佢整得色香味俱全。第二樣叫左揚州炒飯，好足料，炒得乾身軟硬適中亦都有鑊氣，蝦仁都幾爽口，係清淡得黎又唔會悶既選擇。依家好似好少餐廳有檸檬利賓納，所以嗌左佢，味道適中唔會太甜。呢度都算大，整體黎講覺得價錢都唔算貴，份量都夠，係一間經濟實惠既茶餐廳。