德國廚房 (已結業)

街坊小食店難得有賣德國豬手，當然要遠渡而來試一試。原本想食佢個秘製蜜糖黑啤豬手，不過已經一早沽清唯有轉戰個德國豬手加香腸拼盤。$188 呢個價錢唔會要求咁多，拼盤上既香腸係大路野，唔特別，唯一寄望既係隻豬手。豬手size 有兩個拳頭大，減去舊豬骨，肉既份量都好多，不過肉質好實好難咀嚼，大概30%肉係唔會食，反而近骨位既肉有帶脂肪同煮到冇咁實，嫩口好多，食落個味係ok 的。問題係，豬手係原隻上，餐廳方面幫你𠝹左幾刀，由於豬手皮厚，肉質又偏硬，普通刀具切落好費力，女士們可以話無從下手，一定要店家幫手切。我作為力水大既男士都要慢慢庖丁解豬半個鐘，建議店家提供更鋒利既刀具。