雅敍閣西餐廳

營業中

休息中

己改了名做「維景酒店」。女友有7折coupon，佢又想食龍蝦，於是試一試晚市自助餐。環境：絕對唔似酒店，格局極老土，只令我想起漢陽苑、椰林閣之流(當然維景好些少，但以酒店來講真係唔掂)。鋪枱的竟然唔係紙，而係一塊膠！餐具唔乾淨。加上鄰座食客鬼咁嘈，影響心情。食物：佢地以「龍蝦海鮮」招倈，但龍蝦意粉只俾一兩隻龍蝦仔你，龍蝦沙律亦只得個龍蝦殼，搵笨！刺身只得三文魚及另一種魚，我更在其中一片發現小昆蟲！生蠔ok,熟身味道麻麻。甜品亦令人失望，鮮果撻內沒有朱古力，而且撻皮lum bat bat，唔及格！竟然無cheese cake，他媽的！服務：侍應態度還可以，但食物refill速度慢，尤其係刺身，咖啡亦然，咖啡及雪糕匙亦缺乏，要我地開口要求才有，反映經理/侍應甚不醒目。食過後，方覺「為食毛毛」的食評講中哂，真後悔無先上openrice一看，唉……奉勸各位，如果對食物有要求，就唔好貪平(其實都唔自好平)，去高級啲的酒店；如果對食物無乜要求，就索性俾幾十蚊食大家樂好過。