海南少爺 (已結業)

行過海港城，見到呢間餐廳成日都有條少少嘅長龍，主打海南雞同肉骨茶，好啱口味！見tea time 唔多人，就入去試試！Weekend 下午三點幾，餐廳都近乎八成滿。餐廳係海港城地下位置，近玩具反斗城，全落地大玻璃，望住180度維港，勁chill。裝修以深色格調為主，卡位都相當闊落，啱一家大小小家庭用餐。➤海南雞招牌菜式！最特別係可以加$8轉雞胸，啱晒減脂嘅朋友！但作為為食妹，當然轉脾，滑溜得嚟仲係啖啖肉嘛。肉質嫩淋，三種醬汁比較淡口。油飯粒粒分明，唔過分地肥膩。隨餐仲會有一碗湯，無味精，值得讚。➤醬油參巴炒蘿蔔糕第一次試，有驚喜！用韭菜 芽菜 蛋絲去炒蘿蔔糕，另外仲有少少菜脯粒粒，好有咬口，參巴醬有少少辣，惹味加分！➤檳城蝦角睇相以為係酒樓點心咁，原來係用蝦膠做餡整成。嗰種彈牙又同牙膠好唔同，外皮炸到脆卜卜，好薄身好脆口。➤雲朵草莓玫瑰鮮奶 ➤ 青蘋果特調天氣太熱，嗌咗2杯特飲，兩個都好有特色。青蘋果嗰種加咗酒做base，啱晒我呢個酒鬼。總括嚟講，望住個海食飯點都加分，價錢唔貴，質素合理。如果想chill 住係海港城搵餐廳食飯，呢個都係不錢選擇。