香積廚素食館

營業中

休息中

呢晚出左MK(旺角)同朋友去食下素食。作為一位路痴的我，真係要感謝呢個世上最偉大的發明之一「Google map」，如果唔係，我一定已經迷失旺角。呢晚叫左一小食、一湯、一餸、一炒飯。「薑米腰果粒炒飯」：炒飯幾大碟，米飯炒得幾好，唔會好油之餘，亦夠乾身而唔硬。米飯中亦加左少少紅米，有咬口。青瓜粒、紅蘿蔔粒切得幾細，腰果炸過幾香口，薑味比較淡。整體炒飯唔錯!「醬爆牛油果炒山藥」：牛油果比較生，所以食落係爽身，口感幾得意，無稔過可以甘樣炒，唯一美中不足係有少少咸，個醬汁味道再調教一下會更好。「南瓜腰果濃湯」：可以要「咸」或「甜」，呢次叫左「咸」。好香濃腰果味，反而南瓜味唔算太突出，都值得試。只係叫左一碗，份量都幾多，三個人都夠。「炸雲吞」：皮唔係傳統雲吞脆皮，但仍不減佢的鬆化程度，素餡料亦算足，一碟有4件，點甜酸汁食好惹味。3個人食左$180, 服務也不錯。