影片
更多
2022-06-22
4284 瀏覽
慶祝丫妹躺平咗近兩年, 終於有返份full time長工做, 今晚特意book咗旺角一間韓烤放題慶祝一番。120分鐘晚市放題有兩個價錢套餐選擇, 揀咗世子set, 即係所有款式都可以無限任點。餐廳環境走韓國地道平民風, 雖然店內稍為有d油煙, 隨身物品可放於密封椅子筒內, 唔怕一陣味。地面亦有痴立立, 未知是否避免防滑。 除了多款烤肉, 少量海鮮, 仲有韓式特色料理等等…入座即送上前菜同生菜, 再加入爐邊蛋自行寫牌仔落單, 為減低浪費, 每次每款份量都為人頭數量而配給, 密密點, 密密燒, 密密食, 超忙碌。飲品自助形式取。肉類有豬、牛、雞選擇, 牛肉眼大大塊, 烤嘅時候滲出血水, 肉味濃厚。牛舌有dd厚度, 其中一款冇調味過, 烤至金黃, 原汁原味。牛前胸腹肉: 牛脂比例多而且集中, 烤後迫出些少油脂, 質感鮮嫩。雞嘅就有雞軟骨同埋雞腎, 雞軟骨極有咬口感; 雞腎好爽。海鮮方面就揀咗蝦、帶子,蝦比較瘦削, 不過唔係死蝦質素, 爽口鮮味。估唔到放題都食到醬油蝦同埋醬油鵪鶉蛋, 醬油蝦有淡淡醬油味, 提升鮮香又爽甜。至於韓式特色料理亦相當有驚喜,微脆不油無骨炸雞, 炒粉絲幾香, 唔會一
120分鐘晚市放題有兩個價錢套餐選擇, 揀咗世子set, 即係所有款式都可以無限任點。
餐廳環境走韓國地道平民風, 雖然店內稍為有d油煙, 隨身物品可放於密封椅子筒內, 唔怕一陣味。地面亦有痴立立, 未知是否避免防滑。 
除了多款烤肉, 少量海鮮, 仲有韓式特色料理等等…入座即送上前菜同生菜, 再加入爐邊蛋
自行寫牌仔落單, 為減低浪費, 每次每款份量都為人頭數量而配給, 密密點, 密密燒, 密密食, 超忙碌。飲品自助形式取。
肉類有豬、牛、雞選擇, 牛肉眼大大塊, 烤嘅時候滲出血水, 肉味濃厚。
牛舌有dd厚度, 其中一款冇調味過, 烤至金黃, 原汁原味。牛前胸腹肉: 牛脂比例多而且集中, 烤後迫出些少油脂, 質感鮮嫩。
雞嘅就有雞軟骨同埋雞腎, 雞軟骨極有咬口感; 雞腎好爽。
海鮮方面就揀咗蝦、帶子,蝦比較瘦削, 不過唔係死蝦質素, 爽口鮮味。
估唔到放題都食到醬油蝦同埋醬油鵪鶉蛋, 醬油蝦有淡淡醬油味, 提升鮮香又爽甜。
至於韓式特色料理亦相當有驚喜,微脆不油無骨炸雞, 炒粉絲幾香, 唔會一pat pat
醬油燉豬軟骨、安東燉雞: 好入味, 肉質軟稔, 連軟骨都燉林了
熱辣辣生牛肉石鍋飯, 微微地辣, 幾惹味。
另有極少量日式小食, 例如脆口炸芝士、炸忌廉蟹肉薯餅, 同樣微脆好味。
每位食客只要於網上平台做指定步驟, 每人可獲甜品一款。
張貼
