稻八日式火鍋炸物放題 (已結業)

每個月都要食餐好嘅嚟獎勵一下自己，今次揀咗大埔嘅稻八日式火煱炸物放題，呢度有各款價錢嘅放題選擇。餐廳面積頗大，裝修採用日本傳統風格，座位都算闊落，可以坐得舒舒服服慢慢歎。我揀咗 $318 嘅M9和牛套餐。等咗一陣，大堆頭嘅盛盒上場，當中有特選M9和牛牛小排、M6和牛盛盒、安格斯牛小排、北海道鷄片、美國自然豚肉片、羊肉、海鮮、刺身、炸物...数都数唔晒，睇到已經令人食指大動。先嚟M9和牛，雪花紋分佈均匀，入口嫩滑，讚！讚！讚！M6和牛盛盒內備有不同的牛肉部位，有肉味濃郁嘅牛肌胛肉，有滑膩嘅下腹腩，有嚼勁嘅牛舌...完完全全滿足我呢個牛魔王嘅要求。海鮮盛盒有蝦、蠔、蚌、螺、青口、墨魚等等，款式多多。刺身都有不少選擇，鮮嫩嘅甜蝦同嫩滑嘅帶子，真係令人難以抗拒！場內仲有設有自助炸物區，大家可因應自己嘅需要，挑選食材，炮製美味嘅炸物。食肆另一面就係火煱食物的自助區，有蔬菜、鮮菇、丸類豆腐、烏冬等，林林總總，式式兼備。仲有各式飲料同甜品畀你選擇。今晚真係開行turbo，踩盡呢120分鐘，滿足！滿足！