皇室宴會廳

營業中

休息中

唔知點解彗星餐廳無開，又唔係咁想食火箭餐廳既漢堡包薯條，唯有發掘下迪士尼樂園其他餐廳有乜好食…… 見到皇室宴會廳環境又唔錯，入面仲有三位公主同王子跳緊舞既白色雕像影下相打下卡。在皇室宴會廳可以品嚐到皇家盛宴，有燒烤、和風、推介同環球四個美食站，環球既餐牌幾吸引，推介 $165 鮑魚海鮮雞肉炒飯套餐，多餸又多汁，鮑魚有兩隻，仲有唔少蝦、冬菇、雞同菜，唔錯！必飲「紅茶花伝」，呢隻檸檬茶好似好少其他地方飲到！仲有推介 $115 兒童套餐（11歲或以下兒童）肉丸配米奇粟米飯配番茄汁｜雞蛋｜雜菜｜白朱古力蛋糕｜飛雪礦物質水，一見到米奇造型既粟米飯小朋友已經胃口大開，仲有番茄汁同肉丸撈飯真係好適合小朋友，小朋友最鐘意白朱古力蛋糕，簡簡單單一餐食飽又繼續去玩！