影片
更多
2023-04-12
28 瀏覽
📍燒肉801, 尖沙咀復活節假嫌日本機票太貴冇去到日本？完全唔須要擔心，因為喺香港，你都能夠食得到同日本一樣味道嘅燒肉店！話說思鄉病發作，好想食日本燒肉，但又冇得去日本，所以就搵到呢間尖沙咀嘅日本燒肉店—「燒肉801」！一踏入燒肉店門口，濃郁嘅燒肉香味撲鼻而來！店員亦都好快安排我哋走咗，好有禮貌，服務幾好！餐廳播放住日文歌，真係好似置身於日本一樣！坐低之後都好快幫我哋預熱燒烤爐。我哋急不及待叫咗兩個燒肉餐，「801盛」同埋「樂盛」。1. 「樂盛」Single （150g）$108呢個燒肉套餐包三樣食物：一、腹前牛小排；🥩二、黑毛豚無骨小排；三、蔥醬味雞腿肉。如果你以為平嘢冇好嘢，或者呢啲平嘅套餐係攞嚟襯托貴嘅套餐的話，咁就大！錯！特！錯！想講呢一個套餐性價比極高，豬、牛、雞、都可以$100左右食晒，菜式豐富，唔會食到口歪。黑毛豚肉質軟腍唔韌口，擺上爐頭燒一陣，油香沖曬出嚟。我自己就鍾意燒得焦香一啲，一食落口，「嘩」，油香四溢，冇得睇，調味亦都啱啱好。腹前牛小排都非常唔錯。肉質非常鮮嫩，口感非常優秀，咀嚼時非常有彈性。而且肉汁豐富，每一啖都充滿了濃郁的肉味。最令人驚喜嘅係，肉嘅油脂並不會
復活節假嫌日本機票太貴冇去到日本？完全唔須要擔心，因為喺香港，你都能夠食得到同日本一樣味道嘅燒肉店！
話說思鄉病發作，好想食日本燒肉，但又冇得去日本，所以就搵到呢間尖沙咀嘅日本燒肉店—「燒肉801」！
一踏入燒肉店門口，濃郁嘅燒肉香味撲鼻而來！店員亦都好快安排我哋走咗，好有禮貌，服務幾好！餐廳播放住日文歌，真係好似置身於日本一樣！坐低之後都好快幫我哋預熱燒烤爐。我哋急不及待叫咗兩個燒肉餐，「801盛」同埋「樂盛」。
樂盛 Single (150g）
$108
2 瀏覽
0 讚好
0 留言
1. 「樂盛」Single （150g）$108
呢個燒肉套餐包三樣食物：
一、腹前牛小排；🥩
二、黑毛豚無骨小排；
三、蔥醬味雞腿肉。
如果你以為平嘢冇好嘢，或者呢啲平嘅套餐係攞嚟襯托貴嘅套餐的話，咁就大！錯！特！錯！想講呢一個套餐性價比極高，豬、牛、雞、都可以$100左右食晒，菜式豐富，唔會食到口歪。黑毛豚肉質軟腍唔韌口，擺上爐頭燒一陣，油香沖曬出嚟。我自己就鍾意燒得焦香一啲，一食落口，「嘩」，油香四溢，冇得睇，調味亦都啱啱好。
腹前牛小排都非常唔錯。肉質非常鮮嫩，口感非常優秀，咀嚼時非常有彈性。而且肉汁豐富，每一啖都充滿了濃郁的肉味。最令人驚喜嘅係，肉嘅油脂並不會太過油膩，食得過癮！
雞腿肉都有不錯嘅發揮，切口齊整，唔會甩皮甩骨，喺燒烤嘅時候都能夠保持整嚿肉塊完整，唔會皮肉分離。雞肉比較淡口，建議可以先食豬，再食雞，然後食牛，等條脷可以抖抖，再迎接新刺激！
801盛 Double (300g）
$388
1 瀏覽
0 讚好
0 留言
801盛 Double (300g）
$388
4 瀏覽
0 讚好
0 留言
2. 「801」盛（300g）double $388
平嘅性價比高，但係貴少少嘅都真係物有所值。801盛同樣都係包括三項食物：
一、大判燒！黑毛和牛肩胛肉；
二、腹前牛小排；
三、蔥醬味雞腿肉。
兩個餐最大嘅分別，就係在於黑毛和牛肩胛肉，兩塊肉貴成嚿水，你問我值唔值？我話俾你聽，值到爆！
由上菜個陣，你已經見得到兩塊黑毛和牛超級大塊，幾乎霸佔晒成個燒烤爐嘅爐面。而且，從上面嘅分布均勻，呈網紋狀嘅油花紋理，已經燒完出嚟會好食到飛起！
一擺上爐面，燒到Ja Ja 聲，記得燒牛話，唔使燒得太耐，盡量保找佢嘅肉汁！大概1分鐘到，就可以拎上食。
一擺入口，不得了！係和牛嘅味道！油脂入口即溶，牛肉雖然唔係太厚，但係都好有咬口！配埋月見紫菜飯，肉質慢慢包裹煮飯粒，再擺入口，簡直係雙重享受！
如果掛住日本嘅燒肉，又唔想俾貴機票，就快啲嚟呢間燒肉801啦！
蜜瓜汽水
$25
3 瀏覽
0 讚好
0 留言
冷麵套餐
$38
2 瀏覽
0 讚好
0 留言
張貼
