地點：灣仔軒尼詩道
菜式：港式燒味
餐牌：現場即製燒味類，王牌燒味飯，悠閒下午茶，常餐，一人套餐，三文治，惹味小食，飲品。
以下兩個係主餐牌。
燒鵝飯 $68
燒鵝飯好大碟，有兩邊肉，有胸肉同連骨肉食，燒得脆皮多汁，配酸梅醬更好食。下底d飯有滿滿豉油，夠撈飯。伴有菜心。
玫瑰豉油雞飯 $55
玫瑰豉油雞飯有成大隻雞髀，雞肉雞皮都嫩滑，個豉油好入味。超好食。跟有蔥油更好味。
主餐牌免費跟個湯，係蓮藕紅蘿蔔眉豆豬肉蠔豉湯，好清甜又足料，好有家既感覺。
以下兩個係下午茶餐。
叉燒瀨 $40
叉燒一客8大件叉燒，厚肉閃令令，食落啖啖肉又淋，味道都唔錯。
燒腩仔瀨 $40
燒腩仔一客十件，皮脆肉嫩，肥瘦相間，啖啖肉又多汁。仲有獨立包裝黃色芥末醬。
瀨粉分開上，伴有菜心，加有蔥花。瀨粉滑溜，清湯健康。
熱飲免費跟下午茶餐，有好立克同華田，味道正常呀。
呢度燒味好正呀，份量足，熱辣辣上枱，所有燒味質素都唔錯。餐廳都光猛乾淨，坐得舒服。
