堅韓牛韓燒放題 (已結業)

細細嗰陣，有得出街食飯就已經好開心；人大咗，睇嘅嘢多咗，去嘅地方多咗，人嘅要求自然高咗。所以A姐成日都話「樣樣都咁隨便，邊到會有人畀面」。為咗滿足高要求嘅A姐，特登安排今日去旺角堅韓牛放題，食1++頂級韓牛，有韓燒同火鍋兩食。

刺身
一開始每一份雙色刺身，三文魚腩刺身厚身肥美，魚油味重；八爪魚刺身清甜味美。

1

刺身

燜牛膝牛尾
石鍋熱辣辣上枱，傳來陣陣香味。湯底清甜，牛膝燜得好腍身，非常入味。

燜牛膝牛尾

1++頂級韓牛
今晚嘅主角到啦！按照客人數目，每人一客。1++頂級韓牛質素高，油花分佈均勻，顏色鮮亮。記得唔好燒太耐，6-7成熟，就啱啱好，入口即溶，油脂味同牛味濃郁，好正呀！

1++頂級韓牛

韓燒任食仲有韓牛、美國牛、豬肉、雞肉、海鮮同蔬菜。

韓燒同火鍋唔能夠同時進行，所以一定要計劃好時間，叫店員幫你轉做火鍋。我哋叫咗韓式泡菜鍋，泡菜味濃，辣辣地，好惹味！

仲有韓式飲品、汽水同啤酒仼飲，食埋雪糕就啱啱好！

By A姐M佬 玩樂日記  aandmdiary.com