The Point - Pizza & Pasta (如心廣場) (已結業)

放工決定去Donki 掃貨，順便在附近商場搵食，行行下見到有一間西餐廳有龍蝦二人套餐，價錢不算太貴，而且店員向門口告知餐廳係用上新鮮波士頓龍蝦, 即叫即煮，聽落好似挺不錯，而且原來每日供應有限，所以要預早訂。一坐低先order 龍蝦二人套餐，再加多一個pizza ,輕輕鬆鬆就慢慢邊傾邊等吃。Starter - Shimp cocktail with Avocado ,Mango & Tomato Salsa 每一種食材都整齊地一層一層排好在玻璃杯內，入口味道酸酸甜甜，蝦肉爽口鮮甜，整體感覺好清新。龍蝦湯湯頭色澤橙紅，入口濃郁鮮味，龍蝦肉鮮甜爽彈，整個口腔都充滿濃濃龍蝦鮮味。原隻新鮮波士頓龍蝦海鮮煲配扁意粉龍蝦每日新鮮運到，肉質鮮嫩肥美，扁意粉加上藍青口、大蜆、魷魚等等豐富海鮮，還有蕃茄海鮮汁燴煮而成，每一啖都非常鮮美，藍青口鮮甜充滿海水味，大蜆厚肉多汁，魷魚爽嫩，而且份量十足，絕對足夠二人享用。北海道帶子鮮蝦Pizza 用上北海道帶子、鮮蝦、燈籠椒、紅洋蔥加上蕃茄醬烤焗而成，餅底香脆鬆軟，帶子鮮甜嫩滑，鮮蝦爽彈，好滋味呀。