籠太子點心專門店

營業中

休息中

開會開到天昏地暗，完結時，己過晒午飯時間，一個人出去走走，抖抖氣。無意中發現一所點心專門店，叫籠太子，似乎頗吸引，即管入去嘆幾款點心。店子確實以鳥籠作裝飾，但絕不老套，有點西式café的感覺，以同類的專門店而言，算是不錯。蝦餃以及燒賣，可以挑兩隻或四隻，我單拖來到，當然兩隻就夠晒數。蝦餃外皮稱唔上晶瑩，至少咬落唔會黏牙，裡頭的蝦肉也不少，但只純是蝦肉，若能加入筍尖，大概會更好。燒賣有點東歪西倒，不過都飽滿，蝦肉豬肉比例尚且合理，味道正正常常，沒什麼要投訴。另點了煎蝦膠釀茄子，蝦膠份量甚少，而且並不是釀入去，只是放在茄子之上，還好，蝦膠的味道可以。只是，茄子皮偏韌，個人認為一般而已。怎樣說，我也是喜歡吃甜的，所以即使只一人，也來了客香芒沙律盞去作結。賣相是漂亮，原來，除了頂頭的一丁點士多啤梨作點綴，以及香芒醬以外，全是蘋果肉，吃起來感覺頗寡，如果可以加插些其他水果粒，相信會更出色。吃得飽飽，希望下午回到工作崗位，唔好恰眼瞓。