LAB10 (已結業)

週末90分鐘韓燒放題$298加一，豬牛雞海鮮蔬菜選項共有32款，另有12款熟食，2款甜品，飲料就有可樂，零系可樂以及生果味糖漿梳打。一入座店員就預設一份雜錦食物，呃，會唔會太多？！我們選擇把那兩罐沙律菜退回，其他都唯有係硬食。雖然預設的肉類唔算差，但咁樣迫我食真係好奇怪，大家唔想浪費食物，最後食完啲炸薯條蝦多士都有點飽肚感。之後再望個餐牌都無咩特別想叫，有幾款想叫例如香酥雞肉棒，網紙蝦春卷又無貨。後尾叫左個韓式豆腐湯幾伏下，除左辣味咩都無，好似飲緊辣椒水。全晚我最鍾意就係燒棉花糖，自己燒到軟心；但個布朗尼都少伏，朋友咬左一啖露出怪異表情！.夜晚唔滿座，所以夠鐘之後都無趕人走，可以吹下水都算係咁。無煙韓燒最大好處就係食完唔會一身油煙味，但整體食物質素一般。