是但求其食 (已結業)

元朗搵食系列😙同朋友見呢間個名咁型就試一試😃餐廳名叫是但求奇，但係無論裝修到食物到服務都亳不馬虎。先講裝修，一入餐廳已經比牆上面既LED海洋奇兵吸引住,除此之外仲有好多復古feel既classic黑膠唱片，同埋令人好舒服既燈光！莉莉香檸茶未有野食，先來一杯檸檬花茶，但唔係一杯普通既凍檸茶，佢係用潮洲既一種出名茶葉，鴨屎香沖出來既茶，加上茉莉花，味道清新唔會有茶澀。其他飲品就相對冇特格啦🤓Wasabi smoked salmon risotto 完全睇唔出落咗wasabi😄食落都唔會好嗆，唔洗擔心🤣可以放心一試！估唔到咁都夾到👍黃金蝦仁拿破崙意粉賣相好靚既意粉🍝，食落有啲似carbonara,但比起一般餐廳既carbonara, 廚師用多左芝士同鹹蛋黃醬去煮，口感更重同味道都好香，仲有香煎大蝦都係平時既carbonara冇。黑松露野菌pizza雖然冇肉，但係黑松球露既香味非常特出，佢同芝士、野菌都好夾。薄薄既pizza，每一啖都食到菇菌同芝士，口感豐富又唔會食到好膩。烤牙買加賤雞由牙米加來既賤雞，個名已經充滿驚喜，隻雞食落竟然都仲有驚喜。兩隻雞髀已經夠4個人分來食，因為上髀同下髀都非常大