選料極新鮮嘅百花漁莊，晚市時段嘅百花齊放放題套餐，可以一次過試齊手工點心、海鮮、粥底火鍋三大招牌，仲有特色小菜無限量供應！
百花齊放套餐 $328/位
金腿蟲草花花膠雞鍋｜麻辣鍋
滋補嘅花膠雞鍋雞件勁嫩滑，內含大量花膠，勁足料！麻辣鍋係港式口味，免去過量嘅黃油，鮮辣香麻！
海鮮鮮肉拼盤
包括即叫即劏嘅鮮帶子、孔雀鮑魚、百花小魚兒、鮮蝦、蜆、美國安格斯牛肉、鹿兒島黑豚肉，選料極為新鮮上乘！
手工點心
即叫即做嘅手工點心，質素真係好到無話可說！有皮薄餡靚嘅小籠包、牛肉蝦肉燒賣雙拼、外脆內煙靭嘅鹹水角、仲有甜品脆炸滋粑，都係不可不試，必點！
特色小菜
呢碟冰糖醬香鴨，醬香滿滿，甜度適中，肉質幼嫩，忍唔住order咗幾碟，實在太正！
