來發館火鍋刺身點心專門店 (已結業)

今日同屋企人黎飲茶~佢地之前黎食過話LUNCH好抵食,$38有大大碟飯,今日就帶我黎。之前都有食過佢地既晚市火鍋同埋小菜,超有穫氣,今日就黎食下佢地既點心,睇下水準如何啦~馬拉糕,第一樣野上菜, EXPECT佢係甜品多D,哈。不過好軟熟,趁熱食先正~炸兩腸粉,好食!春卷真係好脆口,腸粉皮夠薄而且係熱的,加埋豉油,PERFECT!鳳爪排骨飯,正常!棉花雞,棉花好林,雞肉好嫰,唔錯唔錯!另外叫左碟菜。呢到上點心既時間都唔算快,應該係即叫即蒸既原因。不過即整既,熱辣辣出爐既永遠都係最好食!