本色鍋品料理

營業中

休息中

有同事走喇緊係要farewell吓佢啦。去咗依間餐廳食lunch食點心。脆卜卜炸雲吞。雖然炸皮好多。好油。但炸到好鬆脆好簿就算佢啦。正常燒賣。流沙包。都有黃漫漫流出。可以。天婦羅蝦腸。裡面脆卜卜。粉皮唔會淋淋吓。都不錯。蒸餃。皮唔會爛蓉蓉。不錯。鹽酥雞拌麵。汁略嫌唔夠濃味。面都彈牙嘅。鹽酥雞好香脆。味道比出面食開唔同。幾特別叫咗兩碗芋圓仙草。少有飲茶有得食。芋圓煙靭。仙草味較重。但不錯。仲叫咗個小籠包。都係正正常常。總結點心款式唔算多。但每碟都靚靚仔仔。價錢都合理。ok