影片
更多
2023-03-30
677 瀏覽
今日去親戚屋企坐下，因為仲係飲食控制當中😂，想食得清淡d，就係附近揾到呢間點心鋪試試😋。去食個陣正值下午茶時間有特惠，60蚊就已經包左3個自選點心同茶位，價錢算抵👍🏻。一如所見，餐廳裝潢淡雅樸實，帶住一絲絲舊式茶樓既風韻🕰，座位方面有散位同卡座，任君選擇。今次我就點左3款都係蒸既點心，分別係棉花雞🐔，牛肉球🐂以及係鮮竹卷🎋。點心來講都係即叫即蒸既，所以落單後都需要d時間，呢個moment就嘆住杯茶包普洱睇下電視新聞先。點心蒸好之後一次過3籠來曬，熱氣騰騰🍲，分量十足，絕對無話因為下午茶將價就貨。首先講下籠棉花雞，雞肉滑嫩鮮美，豬皮彈牙厚軟，浸沒係濃濃既湯汁之中，口感上乘🙆🏻♂️！再來係呢款鮮竹卷，鮮嫩既腐竹包裹住林林種種既素材，咬開口湯汁洋溢，素菜爽脆鮮嫩，素食者必點之選🤞🏻！最後就係個個都會點既牛肉球，念住同出面都係一樣有普通發揮就收貨。結果食落出人意表有驚喜！牛肉彈牙爽嫩，說明打肉個陣落粉唔多真材實料🤌🏻，蔬菜餡料更加係清爽脆口，食落無軟柴既感覺，就算無gip汁之下已經非常鮮味🤟🏻！綜合來講呢間點心鋪下午茶既性價比算高，食物質素有中價點心鋪既水準不俗。但再睇返晚市價錢💸就同下午茶相
今次我就點左3款都係蒸既點心，分別係棉花雞🐔，牛肉球🐂以及係鮮竹卷🎋。點心來講都係即叫即蒸既，所以落單後都需要d時間，呢個moment就嘆住杯茶包普洱睇下電視新聞先。
點心蒸好之後一次過3籠來曬，熱氣騰騰🍲，分量十足，絕對無話因為下午茶將價就貨。
首先講下籠棉花雞，雞肉滑嫩鮮美，豬皮彈牙厚軟，浸沒係濃濃既湯汁之中，口感上乘🙆🏻♂️！
棉花雞
144 瀏覽
0 讚好
0 留言
再來係呢款鮮竹卷，鮮嫩既腐竹包裹住林林種種既素材，咬開口湯汁洋溢，素菜爽脆鮮嫩，素食者必點之選🤞🏻！
鮮竹卷
262 瀏覽
0 讚好
0 留言
最後就係個個都會點既牛肉球，念住同出面都係一樣有普通發揮就收貨。結果食落出人意表有驚喜！牛肉彈牙爽嫩，說明打肉個陣落粉唔多真材實料🤌🏻，蔬菜餡料更加係清爽脆口，食落無軟柴既感覺，就算無gip汁之下已經非常鮮味🤟🏻！
牛肉球
152 瀏覽
0 讚好
0 留言
綜合來講呢間點心鋪下午茶既性價比算高，食物質素有中價點心鋪既水準不俗。但再睇返晚市價錢💸就同下午茶相比貴出一倍，CP值就跌W了，不過以社區內唯一一間點心鋪來講可以一試。
張貼
