影片
更多
2023-12-11
1126 瀏覽
鍾意睇波關係，當然對南美國家有一定嘅認識，不過，講到食，對南美菜係真喺比較熟嘅就只有墨西哥菜，本身亦都幾鍾意食，因為真喺幾有特色，今晚就同老表嚟到隱身晌西營盤水街嘅「Verde Mar」聚一聚，佢就話喺第一次食墨西哥菜，感覺幾特別。入到嚟唔見有傳統嘅墨西哥闊邊帽，但睇到由鋪面到裡面都有唔少手工彩繪，店員講都喺餐廳自己嘅團隊親手一筆一筆咁畫出嚟，頗有心思。而天花掛有好多特別裝飾，仲有隻樹懶添，窗邊又有好多小盆栽。側面仲有個戶外花園仔，種滿可食用嘅仙人掌同香草，將新鮮農作物帶到餐枱之上，實在有意義。又適逢就快聖誕，所以，加添咗好多燈飾，蠻有節日氣氛。打開餐牌見到好多唔同嘅墨西哥美食，門面一角已寫上牛油果一詞，所以，晌餐牌中有一版以牛油果為主角，特別列出多款牛油果美食，而牛油果一向被譽為超級食物，都當然要試番一兩款。此外，美食仲包括有、特色前菜、海鮮前菜、各類主菜、墨西哥捲餅、配菜及甜品。而飲品方面亦都多選擇，例如雞尾酒、紅白餐酒、烈酒啤酒、特飲、咖啡、果汁、梳打……等等。Avocado Smoothie $78先試番杯牛油果沙冰，咪睇去色澤淡綠，皆因加咗少少牛奶去打，入口口感卻喺綿密柔滑，
入到嚟唔見有傳統嘅墨西哥闊邊帽，但睇到由鋪面到裡面都有唔少手工彩繪，店員講都喺餐廳自己嘅團隊親手一筆一筆咁畫出嚟，頗有心思。而天花掛有好多特別裝飾，仲有隻樹懶添，窗邊又有好多小盆栽。
側面仲有個戶外花園仔，種滿可食用嘅仙人掌同香草，將新鮮農作物帶到餐枱之上，實在有意義。又適逢就快聖誕，所以，加添咗好多燈飾，蠻有節日氣氛。
打開餐牌見到好多唔同嘅墨西哥美食，門面一角已寫上牛油果一詞，所以，晌餐牌中有一版以牛油果為主角，特別列出多款牛油果美食，而牛油果一向被譽為超級食物，都當然要試番一兩款。
此外，美食仲包括有、特色前菜、海鮮前菜、各類主菜、墨西哥捲餅、配菜及甜品。
而飲品方面亦都多選擇，例如雞尾酒、紅白餐酒、烈酒啤酒、特飲、咖啡、果汁、梳打……等等。
Avocado Smoothie $78先試番杯牛油果沙冰，咪睇去色澤淡綠，皆因加咗少少牛奶去打，入口口感卻喺綿密柔滑，唔會太過有冰感，涼涼哋，啱啱好，富牛油果嗰種微甜味，好有真材實料感，最緊要喺夠晒健康嘛。
Horchata $38表哥就揀咗呢一杯墨西哥傳統嘢飲，初時我睇餐牌覺得有啲怪，但表哥話飲落其實幾唔錯喎，入口確有少少米香咁，再有陣陣玉桂香味，加上喺凍飲，所以，非常之易入口，唔會太古怪風味獨特。
Avocado Fries $79既然餐廳喺牛油果專門店，咁當然再點一款牛油果美食啦，我哋就睇啱呢個炸牛油果條，因為真喺未試過咁食法。外層嘅炸漿好薄，非常之脆口，又唔油膩，個牛油果本身熟成啱啱好，入口軟滑，所以真真正正嘅外脆內軟，沾上帶有微微辣嘅青檸汁，更有種清爽去膩嘅感覺，食得過癮。
Chimichanga $99雖然小弟食墨西哥菜都唔算話好有經驗，但都數數下手指都食過十間八間，墨西哥夾餅（Taco）、捲餅（Burritos）、薄餅（Quesadillas）都食過唔少次，不過，呢一款「炸捲餅」就第一次食，其實佢似係將墨西哥捲餅再炸一炸，所以，我稱佢為「炸捲餅」，食落非常之香口，最正喺一客兩件可以揀唔同口味，我哋揀咗雞肉同手撕豬肉，而裡面仲捲有好多配料，入口口感非常豐富，味道亦有層次，加上外皮炸過，更香口好食。
Chimichanga
$99
3 瀏覽
0 讚好
0 留言
Slow Cooked Beef Cheek Barbacoa $189嚟之前都上網睇過下啲食評，好多人都推介呢一個慢煮牛面肉，亦喺餐廳推介菜式之一，所以，我哋都想一試，此外，仲附有三件墨西哥玉米薄餅。見牛面肉真噄幾大件吓，咬落質感真喺超鬆化，軟腍到完全唔使咬，而且好有肉香，沾少少辣醬，更能夠提升肉嘅香味；此外，我哋又試吓以薄餅夾嚟食，口感亦都唔錯。至於個湯都唔好嘥，味道濃而不濁，再加埋 附送嘅三種配料： 洋蔥粒、芫荽碎、青檸汁，加晒落啲湯度，味道變得更清爽。
店名「Verde Mar」原來喺西班牙文綠色嘅海洋之意，臨走回頭一看，舖面右上角就寫住「綠海」，原來如此。雖然位置有少少偏，但亦見到有唔少區外客專登走過嚟幫襯，一來墨西哥菜有其獨特性，二來啲食物確喺有質素，小店正晌呢片寧靜小社區默默耕耘。
張貼
