和氣食堂 (河畔花園)

營業中

休息中

河畔花園樓下有好多食店，天氣熱唔想煮飯，又或者夜晚唔夠飽想買宵夜，河畔花園入面既日本餐廳和氣食堂都有好多唔同既日本菜可以選擇，例如有刺身、壽司、刺身丼等等。黑豚肩燒丼 $85 🤩🤩🤩🤩🤩呢間餐廳嘅刺身食材來源地喺邊度我就唔知啦，不過呢個黑豚肩燒飯丼，大家就可以放心食。因為佢嘅size呢都唔細，隨餐附送泡菜，如果個胃細啲可能都食唔晒。珍珠飯多，配料亦足，黑豚肉鋪滿成個飯面，外賣都絕對冇偷工減料，而且雖然係外賣，聞起身都仲有少少炭燒味。口感方面，薄薄既黑豚肩上面塗滿醬汁，但係份量啱啱好，唔會有甜到漏嘅感覺，而且亦燒得好香，本身黑豚肩亦都唔係有太多肥肉，食起身唔會覺得好油膩。總括來講，呢個餐對得起佢嘅價錢。