小黑糖 (宏生大廈)

營業中

休息中

去完尖沙咀做spa，同朋友行去附近厚福街諗住買杯嘢飲再去K11行街，我同朋友都喺奶茶控，所以經過小黑糖，諗都無諗就一致決定飲依間。我叫咗小黑糖珍珠鮮奶，本身想少冰，不過店員話冰量固定，好欣賞有得揀甜度，平時飲開好多黑糖珍珠鮮奶都冇得揀甜。整體嚟講奶味好濃郁，係用咗4.3牛乳，揀咗微甜之後啱啱好，甜度適中，珍珠口感豐富，幾有咬口，經過黑糖烹煮之後，每粒珍珠都散發黑糖嘅味道，好煙韌，所以真係揀微甜就已經足夠。朋友就叫咗一杯古早味珍珠奶茶，微甜走冰。飲落茶底都算突出，似喺紅茶，奶味茶味都幾平均，唔錯。朋友都覺得啲珍珠好Q彈，充滿黑糖味，完全令到呢杯飲品昇華，我諗我同朋友下次都會再encore呢一間。