小黑糖 (宏生大廈)

營業中

休息中

食完沾麵好口乾，對面有兩間飲品店，諗咗一陣決定揀小黑糖。Menu啲名好搞笑，聽到有個女仔好怕醜咁同收銀講：「Errr... 要一杯『紫薯於你』丫唔該。」🙈店仔細細，入面有兩三張木凳仔，仲種咗一大棵仙人掌，加上霓虹燈logo，配上淺藍色格仔磚牆，打卡一流。牆上有唔少剪報同香港人加油嘅心意卡，等緊飲品嘅時候不妨睇吓。同先生一人叫咗一杯珍珠奶茶，分別係小黑糖珍珠鮮奶同伯爵珍珠奶茶。小黑糖珍珠鮮奶真材實料，冇特別要求少糖，飲落偏甜少少，但牛奶味好香濃，飲落都幾順滑，珍珠口感煙韌，唔錯。伯爵珍珠奶茶就揀咗少甜，甜度適中，而且配搭幾有趣，伯爵茶非常香，配上黑糖竟然意外地襯，感覺好清新。