影片
更多
2023-04-23
159 瀏覽
邊爐癮起，有台灣控朋友嚷著來吃台式任食火鍋，我未見識過，不妨一試。朋友話事，要左個黑白猜吃到飽套餐。鴛鴦湯底，黑色的代表是養生黑蒜雞湯鍋，而白色的就是胡椒杏汁豬肚湯。湯底好足料，直頭可以當湯飲，而且加湯亦不是加水，沒有稀色了味道，想不到任吃也有如此水準。套餐跟上好幾款特色小食，涼拌皮蛋肉鬆豆腐是最穩陣的組合，另外烤墨汁香腸片都幾有台灣風味。出面其實都有唔少食物，小食的如麻辣肚絲、地瓜波、鹽酥豆腐、花枝丸等等，食住等個湯底滾最岩。升級所得來的三層架，頂層全是海鮮，大蝦爽口，鮑魚唔會韌得像擦字膠，還有帶子，以及沙鎚魚等。牛肉亦有水準，特別欣賞下肩胛翼板，完全唔係坊間任食嗰啲質素。低層盛著的蔬菜，既有我喜歡的台灣水蓮菜，亦有貴價的羽衣甘藍。香港人大都是食肉獸，套餐內已包牛小排、羊肩肉、殼飼牛，同埋封門柳等，咁樣打邊邊才能滿足。外面還有大量的菜蔬同埋丸類等選擇，絕不是寡寡幾款的搵笨任食。食到咁上下，我的習慣是淥個王子麵，會滿足好多。甜品之芋圓及黑糖珍珠豆花都好有驚喜，大定記得要留肚品嚐呀！睇見外邊有兩款口味的爆谷，麻辣與及甘梅，似乎幾吸引，又唔執輸搓一碟回去吃，尤其喜歡後者，吃完一粒又一粒，低
邊爐癮起，有台灣控朋友嚷著來吃台式任食火鍋，我未見識過，不妨一試。
朋友話事，要左個黑白猜吃到飽套餐。鴛鴦湯底，黑色的代表是養生黑蒜雞湯鍋，而白色的就是胡椒杏汁豬肚湯。湯底好足料，直頭可以當湯飲，而且加湯亦不是加水，沒有稀色了味道，想不到任吃也有如此水準。
套餐跟上好幾款特色小食，涼拌皮蛋肉鬆豆腐是最穩陣的組合，另外烤墨汁香腸片都幾有台灣風味。
出面其實都有唔少食物，小食的如麻辣肚絲、地瓜波、鹽酥豆腐、花枝丸等等，食住等個湯底滾最岩。
升級所得來的三層架，頂層全是海鮮，大蝦爽口，鮑魚唔會韌得像擦字膠，還有帶子，以及沙鎚魚等。
牛肉亦有水準，特別欣賞下肩胛翼板，完全唔係坊間任食嗰啲質素。
低層盛著的蔬菜，既有我喜歡的台灣水蓮菜，亦有貴價的羽衣甘藍。
香港人大都是食肉獸，套餐內已包牛小排、羊肩肉、殼飼牛，同埋封門柳等，咁樣打邊邊才能滿足。
外面還有大量的菜蔬同埋丸類等選擇，絕不是寡寡幾款的搵笨任食。
食到咁上下，我的習慣是淥個王子麵，會滿足好多。
甜品之芋圓及黑糖珍珠豆花都好有驚喜，大定記得要留肚品嚐呀！
睇見外邊有兩款口味的爆谷，麻辣與及甘梅，似乎幾吸引，又唔執輸搓一碟回去吃，尤其喜歡後者，吃完一粒又一粒，低唔到口。
呢度既冷熱飲品都好有誠意，喝了數款，特別推介桂花烏龍茶。
埋單才知道每人還有一小盒雪糕，係Movenpick，幾歹食埋先走人。
張貼
