東羅 泰館 (已結業)

本身對泰國餐廳入面嘅黑松露意粉冇太大期望，但食左發現相當有水準，一啲都唔輸西餐廳嘅意粉，而且性價比高。意粉夠乾身，軟硬適中，口感好，好有黑松露味，將上面嘅溫泉蛋同意粉攪拌均勻後有淡淡蛋香味，令本身就幾好食嘅意粉更有層次。我每次食泰菜都唔少得冬陰功湯，今次都唔例外。呢間泰國餐廳嘅冬陰功海鮮味十足，辣辣地，較其他餐廳嘅冬陰功辣啲，本身鍾意食辣嘅會更鍾意飲泰館悠柚有淡淡柚子清香味，甜度低，茶味不濃，整體味道較清淡，感覺幾清新。呢間餐廳上菜速度相當快，味道及賣相都唔錯，環境舒適衛生。