影片
更多
2025-05-22
2025 瀏覽
呢間餐廳位於旺角鬧市隔離，唔算超旺，但係又有好多人會慕名而來。今日平日去到八點，都仲有客人喺門口等緊位。手打牛肉及原隻大蘑菇漢堡配薯條 $139呢一道菜我覺得CP值超高，佢嘅牛肉好厚身，大蘑菇厚到差啲唔可以一啖咬晒。薯條係粗薯條，仲要熱辣辣新鮮出爐。為咗要符合返佢哋黑暗系列，佢個包係竹炭包，口感脆身。香煎三文魚配檸檬汁忌廉芝士意大利飯 $148主菜方面叫咗換人最鍾意嘅意大利飯。第一啖入口，感覺味道熟口熟面，諗咗陣原來浸味好似Pizza Hut嘅白汁蘑菇湯😹。味道其實相當唔錯，而且三文魚肉質都幾新鮮。合桃南瓜雜菜沙律配柚子橙汁 $108佢呢個沙律嘅配搭好豐富，而且好新鮮，醬汁係用柚子配埋番石榴，酸酸甜甜咁，不過對我嚟講稍為就酸咗少少，但對於第一道開胃菜嚟講，呢個配搭非常之適合。竹炭黑芝麻鮮奶 $48黑芝麻鮮奶嘅黑芝麻味好濃烈，而且甜度調校得啱啱好，不過鮮奶味就稍為比黑芝麻味蓋過咗。黑芝麻醬窩夫配香草雪糕 $106見佢啲黑芝麻食物咁香，於是甜品都揀咗個黑芝麻窩夫。佢應該將黑芝麻融入咗喺窩夫粉入邊，所以每一啖都有好香嘅芝麻味，配埋香草雪糕感覺超滿足。芒果茉莉花綠茶鮮奶 $58本身都擔心陣味會
手打牛肉及原隻大蘑菇漢堡配薯條 $139
呢一道菜我覺得CP值超高，佢嘅牛肉好厚身，大蘑菇厚到差啲唔可以一啖咬晒。薯條係粗薯條，仲要熱辣辣新鮮出爐。為咗要符合返佢哋黑暗系列，佢個包係竹炭包，口感脆身。
香煎三文魚配檸檬汁忌廉芝士意大利飯 $148
主菜方面叫咗換人最鍾意嘅意大利飯。第一啖入口，感覺味道熟口熟面，諗咗陣原來浸味好似Pizza Hut嘅白汁蘑菇湯😹。味道其實相當唔錯，而且三文魚肉質都幾新鮮。
合桃南瓜雜菜沙律配柚子橙汁 $108
佢呢個沙律嘅配搭好豐富，而且好新鮮，醬汁係用柚子配埋番石榴，酸酸甜甜咁，不過對我嚟講稍為就酸咗少少，但對於第一道開胃菜嚟講，呢個配搭非常之適合。
竹炭黑芝麻鮮奶 $48
黑芝麻鮮奶嘅黑芝麻味好濃烈，而且甜度調校得啱啱好，不過鮮奶味就稍為比黑芝麻味蓋過咗。
黑芝麻醬窩夫配香草雪糕 $106
見佢啲黑芝麻食物咁香，於是甜品都揀咗個黑芝麻窩夫。佢應該將黑芝麻融入咗喺窩夫粉入邊，所以每一啖都有好香嘅芝麻味，配埋香草雪糕感覺超滿足。
芒果茉莉花綠茶鮮奶 $58
本身都擔心陣味會唔會好古怪，但係又出奇地夾。
張貼
